Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

«Taldyqorǵan-Qalbataý-Óskemen» jolynyń rekonstrýktsııasy 64%-ǵa oryndaldy

2021 jyldyń 3 tamyz 2021 11:09

NUR-SULTAN. QazAqparat - «Taldyqorǵan-Qalbataý-Óskemen» avtojolynyń rekonstrýktsııasy 64%-ǵa oryndaldy, dep habarlaıdy QazAqparat IIDM Telegram paraqshasyna silteme jasap.

Avtomobıl joldary komıtetiniń tóraǵasy Tólegen Abdýllın Shyǵys Qazaqstan oblysynda avtojol jobalarynyń iske asyrylý barysyn tekserdi. Atap aıtqanda, komıtet basshysy «Taldyqorǵan – Qalbataý – Óskemen» avtojolynyń 615-1 073 shaqyrymyndaǵy rekonstrýktsııalaý ýchaskesinde boldy.

«Onda jumystardyń 64%-y oryndalǵan. Bıyl «CITIC Construction Co., LTD», «K-Dorstroı» AQ jáne «Todini Central Asia» JShS kompanııalary 445 shaqyrymdy aıaqtaýdy kózdep otyr. Búginde joldyń 287 shaqyrymynda qozǵalys ashyldy. Qurylys-montajdaý jumystary úshin ýchaskelerde 850 adam jáne 664 arnaıy tehnıka jumyldyrylǵan. 10 asfaltobeton zaýyty men 14 usaqtaý-suryptaý qondyrǵysy jumys isteıdi. Joba aıasynda 26 kópir men 390 sý ótkizý qubyry salynbaq», delingen habarlamada.



Joǵary qaraı