Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Taldyqorǵan turǵynynan asa iri kólemde sıntetıkalyq esirtki tárkilendi

2021 jyldyń 19 qazan 2021 19:37

TALDYQORǴAN. QazAqparat - Taldyqorǵanda asa iri kólemde sıntetıkalyq esirtki alyp júrgen kúdikti ustaldy, dep habarlaıdy QazAqparat Almaty oblysy Polıtsııa departamentiniń baspasóz qyzmetine silteme jasap.

«22 qyrkúıekte Almaty oblysynyń PD Esirtki qylmysyna qarsy kúres basqarmasy men Almaty oblysynyń UQK departamenti qyzmetkerleri birlesken arnaıy operatsııasy barysynda Taldyqorǵan qalasynyń ortalyǵynda Qylmystyq is júrgizý kodeksiniń 255-babyna sáıkes júrgizilgen jeke tintý kezinde 20 jastaǵy jergilikti turǵynyń sómkesinen salmaǵy 150 gramm sıntetıkalyq esirtki zaty bar polıetılen paket alyndy», delingen habarlamada.

Untaqty 14 qazanda Sot saraptamasy esirtki dep tanydy.

Atalǵan fakt Qylmystyq kodekstiń 296-baby 4-bóligimen «asa iri mólsherde esirtki zattaryn zańsyz saqtaý» boıynsha sotqa deıingi tergeýdiń biryńǵaı tizilimine tirkeldi. Qazir tergeý amaldary júrgizilip jatyr.

Vedomstvonyń málimdeýinshe, tergeý múddesi úshin tolyq aqparat jarııa etilmeıdi.


Joǵary qaraı