Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Taldyqorǵanda karantındi paıdalanyp, jemqorlyqqa jol bergen sheneýnikter ustaldy

2021 jyldyń 30 shilde 2021 10:55

ALMATY OBLYSY. QazAqparat - Almaty oblysy boıynsha Sybaılas jemqorlyqqa qarsy kúres qyzmeti Taldyqorǵan qalasy ákimdiginiń kásipkerlik bóliminiń laýazymdy tulǵalary bolyp tabylatyn monıtorıngtik top músheleriniń sybaılas jemqorlyq áreketteriniń jolyn kesti, dep habarlaıdy QazAqparat.

QR Sybaılas jemqorlyqqar qarsy is-qımyl agenttiginiń Telegram kanalynyń málimetterine qaraǵanda, bólim basshysy óziniń qaramaǵyndaǵy bas mamanmen sóz baılasyp, «Covid-19» koronavırýs ınfektsııasymen kúres boıynsha daǵdarysqa qarsy sharalar kezinde adamdar kóp jınalatyn is-sharalardy uıymdastyrýǵa jáne ótkizýge tyıym salynǵanyna qaramastan, qala restoratorlary men jappaı saýda ókilderinen olarǵa qatysty ákimshilik sharalar qabyldamaý úshin júıeli negizde 20 myńnan 270 myń teńgege deıin para alǵan.

Sondaı-aq, joǵaryda atalǵan para somasyn bergen meıramhanalardyń 5 ákimshisi qylmystyq jaýapqa tartylady.

Laýazymdy adamdar ýaqytsha ustaý ızolıatoryna qamaldy, bultartpaý sharasyn tańdaý týraly másele sheshilýde.

Tergeý jalǵasýda.

QІJK-niń 201-babyna sáıkes tergeý múddesine saı basqa da málimetter jarııa etýge jatpaıdy.


Joǵary qaraı