Aýa raıy
Astana -7 °S
Almaty 4 °S
valıýta baǵamy
USD 421.58
EUR 496.83
RUB 5.53
CNY 62.20

Taldyqorǵanda koronavırýstan kóz jumǵan áskerı dáriger «Qurmet» ordenimen marapattaldy

2020 jyldyń 20 shilde 2020 18:41

TALDYQORǴAN. QazAqparat - Taldyqorǵanda áskerı dárigerdiń otbasyna memlekettik nagrada tabys etildi, dep habarlaıdy QazAqparat tilshisi.

Búgin Almaty oblysynyń ákimi Amandyq Batalov Ulttyq ulannyń «Ońtústik» óńirlik qolbasshylyǵy 28237 áskerı bólimi medıtsına qyzmetiniń bastyǵy, medıtsına kapıtany Begalıdın Alashbaevtyń «Qurmet» ordenin jubaıy Damıra Alashbaevaǵa tabys etti.

Marqum qaıtys bolǵannan keıin Prezıdent Qasym-Jomart Toqaevtyń 2020 jylǵy 13 shildedegi jarlyǵymen qyzmettik boryshyn úlgili oryndaǵany jáne halyq densaýlyǵyn saqtaýdaǵy janqııarlyq eńbegi úshin nagradtalǵan bolatyn.

Begalıdın Alashbaev eńbek jolyn 2008 jyly Ekibastuz qalasyndaǵy emhanalardyń birinde dáriger bolyp bastaǵan. 2012 jyly Qazaqstan Qarýly kúshteriniń qataryna kelisimshart boıynsha shaqyrylyp, Aıagóz qalasyndaǵy 02352 áskerı bólimine medıtsına qyzmetiniń bastyǵy laýazymyna taǵaıyndalady. Qorǵanys mınıstrliginiń birqatar áskerı bólimderinde qyzmet etken áskerı dáriger 2016 jyly Ulttyq ulanǵa aýysady.

Bıyl kóktemde elimizde tótenshe jaǵdaı jarııalanǵan ýaqytta medıtsına qyzmetiniń kapıtany Almaty qalasyn dezınfektsııalaý sharalaryna qatysty, blokposta turǵan áskerı qyzmetshilerdiń sanıtarlyq sharalardy saqtaýyna, olardyń densaýlyǵyna úzdiksiz baqylaý júrgizip, túsindirý jumysyn jasady.




Ol mamyr aıynda Túrkistan oblysy Maqtaaral aýdanynda bolǵan tótenshe jaǵdaıdyń saldaryn joıýǵa qatysty. Pandemııa kezinde Maqtaralda qyzmet etý óte aýyr boldy, jeke quramnyń qyzyl sýmen arpalysyp júrip, sanıtarlyq sharalardy saqtaýy da asa qajet edi.

Osy jaǵdaıda áskerı dáriger Begalıdınniń eńbegi zor boldy, ol jeke quramnyń Covid -19 indetin juqtyryp, aýyryp qalmaýy úshin barlyq qoldan kelgen jaǵdaıdy jasady. Táýlik boıy jeke quramnyń ishinde júrip, densaýlyǵyn baqylady, sý keship júrgen ár sarbazǵa ákesindeı qamqor bola bildi. Ol tipti, járdem surap kelgen jergilikti aýyl turǵyndarynan da kómegin aıamady. Árqaısysyna dáriger maman retinde keńes berdi.




Begalıdın Baıjanuly áskerı bólimniń medıtsına qyzmetiniń bastyǵy retinde jeke quramnyń densaýlyǵyn, ásirese, pandemııa ýaqytynda qatań nazarda ustady. Sozylmaly aýrýy bar áskerı qyzmetshilerdi erekshe baqylaýǵa alyp, qal-jaǵdaıyn bilip turatyn edi. Jalpy jeke quramnyń densaýlyǵyn nyǵaıtý sharalaryna kóp kóńil aýdaryp, aqyl-keńesin de aıamaıtyn. Salaýatty ómir saltyn ustanýdy nasıhattap júretin.

Ókinishke qaraı, jeke quramnyń densaýlyǵy úshin kúni-túni qyzmet etip júrgen áskerı dárigerdiń ózi osy indetke shaldyǵyp, qurban boldy.




Onyń artynda ata-anasy, jubaıy jáne úsh uly qaldy. Eń kishi ulynyń jasy - ekide ǵana.


Joǵary qaraı