Aýa raıy
Astana -13 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Taldyqorǵanda koronavırýsty erte anyqtaýǵa múmkindik beretin júıe iske qosyldy

2020 jyldyń 20 qazan 2020 10:45

TALDYQORǴAN. QazAqparat - Taldyqorǵanda koronavırýs ınfektsııasyn erte anyqtaýǵa múmkindik beretin júıe jumys jasaýdy, dep habarlaıdy QazAqparat tilshisi ákimdikke silteme jasap.

«Pnevmonııany emdeýdiń sátti ári tıimdi júrgizilýinde ony erte kezeńnen anyqtaýdyń mańyzy zor. Osyǵan baılanysty Almaty oblysynda Taldyqorǵan qalalyq kóp salaly aýrýhanasyndaǵy Jaǵdaıattyq ortalyq bazasynda koronavırýstyq pnevmonııany endi bastalyp kele jatqan kezinen anyqtaıtyn PAKS-júıesi ornatylǵan. Joba óńirdiń 17 medıtsınalyq mekemesin qamtıdy, qazirdiń ózinde 2 myńdaı adam tekserilgen. Bul - otandyq jáne túrik mamandarynyń birlesken jobasy», - dedi Almaty oblysy ákiminiń baspasóz qyzmeti.

ІT-kompanııa dırektory Erlan Jánibekovtiń aıtýynsha, bul jobany olar jeke qarajatyna júzege asyrǵan. Jasandy ıntellekti jumysynyń kómegimen koronavırýstyq pnevmonııany jańa bastalǵan kezinen anyqtaýǵa múmkindik týdy. Bul emdeýdi jeńildetip, tolyq saýyǵyp shyǵatyn adam sanyn arttyrýǵa kómek etedi.

Jalpy koronavırýstyń bolýy múmkin ekinshi tolqynyna daıyndyq sheńberinde óńirde medıtsınalyq mekemelerdi qural-jabdyqtarmen qamtamasyz etý jumysy belsendi júrgizilýde. Qazirgi kezde 9 medıtsınalyq mekemede, ıaǵnı Panfılov, Alakól, Kegen, Qarasaı, Jambyl, Talǵar, Іle, Eńbekshiqazaq aýdandarynda jáne Taldyqorǵandaǵy oblystyq aýrýhanada kıslorod stansasy ornatylyp, jumys istep tur. Taıaý kúnderi Sarqan aýdanynda osyndaı stansa ornatý isi aıaqtalady. Sóıtip, kıslorod stansasymen qamtylǵan aýrýhanalar sany óńirde 13-ke jetedi.


Joǵary qaraı