Aýa raıy
Astana -23 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Taldyqorǵanda páterdi jalǵa berem dep eldi aldaǵan kúdikti  qolǵa tústi

2020 jyldyń 27 qazan 2020 10:32

TALDYQORǴAN. QazAqparat - Taldyqorǵanda páterdi jalǵa berem dep eldi aldaǵan kúdikti qolǵa tústi, - dep habarlaıdy QazAqparat tilshisi.

Almaty oblysynyń Taldyqorǵan qalasy PB Batys QPB kezekshi bólimine oblys ortalyǵynyń 48 jastaǵy turǵyny alaıaqtyń qurbany bolǵany týraly aryz berdi.

«Belgisiz áıel Taldyqorǵanda «Qazaqstan» kóshesindegi páterdi jalǵa beremin dep onyń aqshasyn ıemdendi. Bir-eki kúnnen keıin Taldyqorǵan qalasynyń 26 jáne 42 jastaǵy taǵy eki turǵyny osyndaı aryzben júgindi. Olar da turǵyn úıdi jalǵa alý úshin oǵan aldyn ala tólem tólegenderin aıtty», - dedi Taldyqorǵan qalasy PB Batys QPB bastyǵy polıtsııa maıory Aıdyn Adenbaev.

Júrgizilgen jedel-izdestirý is-sharalarynyń nátıjesinde tártip saqshylary alaıaqtyq jasaǵany úshin birneshe ret jaýapqa tartylǵan jáne sottalǵan Almaty oblysynyń 23 jastaǵy turǵyny Irına Kım esimdi kúdiktini anyqtap, ustady. Ol bultartpas aıǵaqtardyń arqasynda joǵaryda atalǵan qylmystardy jasaǵanyn moıyndady. Kúdiktiniń qaladaǵy elıtalyq aýdandarda jalǵa beriletin arzan turǵyn úı týraly habarlandyrý berip, óz qurbandaryn saıttan tapqany belgili boldy. Páter qunynyń arzandyǵyna qyzyǵyp, qońyraý shalǵan adamdarǵa qazir jolda ekenin jáne kelgen soń páter kiltin tapsyratynyn aıtqan. Sondyqtan, olardan páter tólemaqysynyń aldyn-ala tólemin bank kartasyna aýdarýyn suraǵan.





«Úsh derek boıynsha QR QK 190-baby 3-bóligi 3,4-tarmaǵy boıynsha qylmystyq is qozǵaldy.

Kúdikti qamaqqa alyndy. Alaıaqtyń áreketinen zardap shekkenderdiń barlyǵyn 25-01-51 jáne 8 777 780 2313 telefondary boıynsha habarlasýdy suraımyn», - dep tolyqtyrdy polıtsııa maıory Aıdyn Adenbaev.



Joǵary qaraı