Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Talǵar ákimdigi úsh oqýshyny qaqqan júrgizýshige qatysty pikir bildirdi

2021 jyldyń 29 qarasha 2021 17:21

TALǴAR. QazAqparat - Almaty oblysy Talǵar qalasynda úsh oqýshyny qaqqan júrgizýshige qatysty ákimdik pikir bildirdi, dep habarlaıdy QazAqparat tilshisi.

Talǵar aýdany ákimi baspasóz qyzmetiniń málimetinshe, oqıǵa búgin tańǵy saǵat 07.30 shamasynda bolǵan.

Jaıaý júrginshiler jolymen ótip bara jatqan úsh qyzdy Volkswagen Golf kóligi qaǵyp ketti.

QR Ákimshilik quqyq buzý kodeksiniń 610-baby, 2-bóligi, ıaǵnı densaýlyqqa zııan keltirgen jol kólik oqıǵasy baby boıynsha tergeý bastaldy.

Polıtsııa málimetine qaraǵanda, kólik júrgizýshi mas bolmaǵan.

Avtokólik arnaıy aıyp turaǵyna qoıyldy.

«Zardap shekkender - J.Jabaev atyndaǵy №6 jalpy orta mektebiniń oqýshylary. Ekeýi 7-synypta, bireýi 3-synypta oqıdy. Balalarǵa alǵashqy medıtsınalyq kómek kórsetilip, jedel járdemmen aýdandyq aýrýhanaǵa jetkizildi» delingen vedomstvonyń habarlamasynda.

Ákimdiktiń aqparatyna sáıkes, júrgizýshi - 47 jastaǵy áıel.


Avtor Samal Qabysheva
Basty sózder: Almaty oblysy, Kólik, Oqıǵa,
Joǵary qaraı