Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Talǵat Musabaev ǵarysh salasyndaǵy basty problemalardy atady

2021 jyldyń 11 sáýir 2021 13:25

BAIQOŃYR. QazAqparat – Baıqońyr qalasynda adam balasynyń ǵaryshqa alǵash ushýynyń 60 jyldyǵyna arnalǵan saltanatty kezdesý ótti. Onda QR Parlament Senatynyń depýtaty, ushqysh-ǵaryshker Talǵat Musabaev saladaǵy problemalardy atap ótti. QazAqparat bul týraly Senattyń baspasóz qyzmetine silteme jasap habarlaıdy.

Mereıtolyq sharaǵa Qazaqstan Premer-Mınıstri Asqar Mamın, «Roskosmos» memlekettik korporatsııasynyń basshysy Dmıtrıı Rogozın, QR Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın, NASA ákimshisiniń orynbasary Kennet Baýerskok, ǵaryshker Toqtar Áýbákirov, QR Parlamenti Senatynyń depýtaty Talǵat Musabaev jáne basqalar qatysty.

Talǵat Musabaev qazaqtandyq ǵarysh salasynyń bastaýynda Qazaqstan Respýblıkasynyń Tuńǵysh Prezıdenti – Elbasy turǵanyn atap ótti. Sebebi N.Nazarbaevtyń Jarlyǵymen Ulttyq ǵarysh agenttigi quryldy. Depýtat sonymen qatar adamnyń ǵaryshqa ushýy – dúnıejúzilik mańyzy bar oqıǵa ekenine toqtaldy. Al osy oqıǵanyń Qazaqstan jerinde bolǵany – erekshe mańyzdy.

«Biz, qazaqstandyqtar, Baıqońyrdyń tabysty jumysy, búkil adamzattyń ıgiligi, ǵaryshtyq jobalardyń damýy úshin erekshe maqtanysh pen jaýapkershilik sezinemiz. Qazaqstan ǵaryshty ıgerýdiń ózindik kúrdeli jolymen júrip keledi. Bizdiń elimiz ekonomıkanyń joǵary tehnologııalyq jáne ǵylymdy qajetsinetin sektory – ǵarysh salasyn damytýda mańyzdy qadamdar jasady» - dedi Talǵat Musabaev.

Senator búgingi tańda Qazaqstan ǵarysh apparattarynyń orbıtalyq toptarynyń eki júıesin iske qosqanyn aıtyp ótti. Ulttyq ǵaryshtyq zertteýler men tehnologııalar ortalyǵy, «Báıterek» qazaqstandyq-reseılik kásiporny jáne taǵy ózge de mamandandyrylǵan kásiporyndar ashyldy.

Alaıda, senatordyń aıtýynsha, bul salada problemalar bar. Talǵat Musabaev qazirgi tańda joǵary bilikti mamandardan aırylý qaýpi joǵary ekenin atap ótti. Onyń paıymdaýynsha, buryn qurylǵan ǵarysh salasyn basqarý júıesi, atap aıtqanda kadrlardy irikteý jáne ornalastyrý júıesi quldyraı bastady.

«Ǵarysh salasynyń tabysty jumysynyń basty faktory týraly taǵy da aıtqym keledi. Bul – adamdar, mamandar. Qazaqstandyq ǵarysh salasyn qurýdaǵy barlyq qıyndyqtardan birge ótken áriptesterim, ǵalymdar, ǵaryshqa umtylǵan jas mamandar bolmasa, eshteńe de bolmas edi», - dedi Talǵat Musabaev.

Senator 12 sáýir merekesimen quttyqtaı kele: «Ǵarysh kúniniń mereıtoılyq datasymen barlyq áriptesterimdi, ǵarysh salasyndaǵy álemniń túkpir-túkpirindegi dostarymdy, «Baıqońyr» ǵarysh kesheniniń turǵyndary men mamandaryn, ǵarysh salasynyń qazaqstandyq qyzmetkerleri Toqtar Áýbákirovti, Aıdyn Aıymbetovti, ásirese elimizde ǵaryshqa alǵash jol salǵan Qazaqstan Respýblıkasynyń Tuńǵysh Prezıdenti Nursultan Ábishuly Nazarbaevty quttyqtaımyn», - dedi.


Basty sózder: Ǵylym, Ǵarysh, Baıqońyr, Parlament, Senat,
Joǵary qaraı