Aýa raıy
Astana 7 °S
Almaty 9 °S
valıýta baǵamy
USD 421.58
EUR 496.83
RUB 5.53
CNY 62.20

Talǵat Musabaevqa marapat qarýy tabys etildi

2020 jyldyń 28 sáýir 2020 14:43

NUR-SULTAN. QazAqparat - Parlament Senaty Halyqaralyq qatynastar, qorǵanys jáne qaýipsizdik komıtetiniń keńeıtilgen otyrysynda elimizdiń ishki ister mınıstri Erlan Turǵymbaev senator Talǵat Musabaevqa marapat qarýyn tabys etti. Bul jóninde Senattyń baspasóz qyzmetine silteme jasap QazAqparat habarlaıdy.

«Sizdi elimizge sińirgen eńbegińizben quttyqtaımyz jáne Qazaqstan Úkimetiniń sheshimi boıynsha tapansha tabys etemiz. Sizdiń atyńyz respýblıkamyzdyń tarıhyna laıyqty jazyldy», - dedi E.Turǵymbaev.

Talǵat Musabaevqa memleket aldynda sińirgen eńbegi úshin Úkimettiń qaýlysy boıynsha ıir oıyqty atys qarýy tabys etildi.

Dál búgin, 28 sáýirde Talǵat Musabaev osydan 19 jyl buryn «Soıýz TM-32» ǵarysh kemesiniń komandıri retinde úshinshi márte ǵaryshqa ushyp, alǵashqy ǵarysh týrısin orbıtaǵa alyp shyqqan bolatyn. Ǵaryshqa ushqan osy sapar ǵarysh týrızminiń dáýirin ashty. Talǵat Musabaevtyń ekıpajy «Soıýz TM-31» kemesimen jerge oraldy.

Bul - 21 ǵasyrdaǵy jáne úshinshi myńjyldyqtaǵy Jer ǵalamsharynan ǵaryshqa alǵashqy ushý bolatyn. Sondaı-aq bıyl T.Musabaevtyń ǵaryshqa alǵash ushqanyna 26 jyl toldy.

Talǵat Musabaev – ǵaryshker, ashyq ǵaryshqa shyqqan alǵashqy qazaq. Qazaqstan Respýblıkasynyń týy men eltańbasy 1994 jyly tarıhta alǵash ret ǵaryshqa kóterildi.

2017 jylǵy 13 shildede Memleket basshysynyń Jarlyǵymen Qazaqstan Respýblıkasy Parlamenti Senatynyń depýtaty bolyp taǵaıyndaldy.


Basty sózder: QR ІІM, Ǵarysh, Senat, Parlament,
Joǵary qaraı