Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Talıban qozǵalysyna salynǵan tyıymdy alyp tastaǵaly jatqan joqpyz – Dáýren Abaev

2021 jyldyń 21 qazan 2021 21:53

NUR-SULTAN. QazAqparat – Qazaqstan Talıban qozǵalysymen (Qazaqstanda jáne basqa da kóptegen elderde tyıym salynǵan) kelissózder júrgizgenimen, onyń jumysyna el aýmaǵynda salynǵan tyıymdy alyp tastamaıdy. «Ashyq dıalog-2» suhbatynda QR Prezıdenti Ákimshiligi basshysynyń birinshi orynbasary Dáýren Abaev osyndaı oı aıtty, dep habarlaıdy QazAqparat tilshisi.

«Talıbanmen (Qazaqstanda jáne basqa da kóptegen elderde tyıym salynǵan) kelissózder júrgizý beıtarap qalýdan áldeqaıda aqylǵa qonymdy qadam dep aıtýǵa bolady. Ondaǵy áleýetti gýmanıtarlyq apat Aýǵanstannyń jeke ishki problemasy bolýdan qalyp barady. Bir jaǵynan Talıban qozǵalysyna terrorıstik uıym retinde salynǵan tyıymdy alyp tastaı almaımyz. Tyıym salmaý - bizdiń azamattarǵa ol uıymnyń qaǵıdatyn ustanýǵa ruqsat berý bolar edi. Bul búginde aqylǵa qonymsyz ekenine kelisetin shyǵarsyz. Talıbannyń basyndaǵy jaǵdaı - saıasat degen kúrdeli ári qaıshylyqqa toly dúnıe ekenin kórsetip otyr», - degen Dáýren Abaev QR Syrtqy ister mınıstriniń búgin ǵana osy másele boıynsha málimdeme jasaǵanyn eske saldy.

«Búgin ǵana Syrtqy ister mınıstri málimdeme jasap, Talıbannyń moınyndaǵy «terrorıstik uıym» degen grıf búkil álem qaýymdastyǵynyń ortaq sheshimi negizinde ǵana alynýy múmkin ekenin aıtty. Árıne, birinshi kezekte BUU-nyń uıǵarymy bolý kerek.

Jalǵyz biz ǵana Talıban qozǵalysymen kelissóz júrgizip jatqan joqpyz. Álemdegi iri derjavalar da, osy óńirdegi ózge memleketter de osylaı istep jatyr. Dál qazir, bastapqy kezeńde Talıbandy halyqaralyq baılanystar men mindettemelerge tartý óte mańyzdy. Osylaı ǵana eki nársege qol jetkizýge bolady. Birinshisi – eldiń aýmaǵyn ózge memleketterge zııan keltirý úshin paıdalanýǵa jol bermeý. Ekinshisi – basqarý rejımin jumsartý. Aýǵanstannyń oqshaý qalýy eshkimge jaqsylyq ákelmeıdi. Kerisinshe, odan ári radıkaldanýǵa jol ashady», - dedi Prezıdent Ákimshiligi basshysynyń birinshi orynbasary


Avtor Esimjan Naqtybaı
Basty sózder: Aýǵanstan,
Joǵary qaraı