Aýa raıy
Astana -9 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Tamyzda Taıland pen Grýzııaǵa áýe reısteri ashylýy múmkin

2020 jyldyń 28 shilde 2020 17:34

NUR-SULTAN. QazAqparat - QR Mádenıet jáne sport mınıstrliginiń Týrızm ındýstrııasy komıtetiniń tóraǵasy Dastan Ryspekov tamyzda Taıland pen Grýzııaǵa áýe reısteri ashylýy múmkin ekenin málim etti, dep habarlaıdy QazAqparat tilshisi.

«Ózderińiz biletindeı, shyǵý týrızmi boıynsha osy jyldyń 26 maýsymynan bastap Túrkııa men Ońtústik Koreıaǵa halyqaralyq qatynas ashylǵan bolatyn. 2020 jyldyń 20 maýsymy men 4 shildesi aralyǵynda 622 qazaqstandyq azamat týrkompanııa qyzmetterin paıdalanyp, Túrkııada demalýǵa múmkindik aldy. Osylaısha shyǵý týrızmi salasyndaǵy kompanııalar týrıster aldyndaǵy, onyń ishinde buryn aýystyrylǵan joldamalar boıynsha óz mindettemelerin oryndaýdy bastady», - dedi Dastan Ryspekov OKQ-da ótken baspasóz máslıhatynda.

Komıtet tóraǵasynyń aıtýynsha, ókinishke qaraı epıdemıologııalyq jaǵdaıdyń nasharlaýyna baılanysty qazirgi ýaqytta Túrkııaǵa reıster ýaqytsha toqtatylǵan.

«Epıdemıologııalyq jaǵdaıdyń jaqsarǵanyn eskere otyryp, qazirgi ýaqytta birqatar eldermen áýe qatynasyn qalpyna keltirý máseleleri qarastyrylýda. Onyń ishinde tamyz aıynda Taıland pen Grýzııaǵa reıster ashý josparlanǵan», - dedi ol.

Eske sala ketsek, buǵan deıin Dastan Ryspekov Alakól men Býrabaıǵa demalýǵa baratyn otbasynyń kem degende bir múshesinde PTR-test anyqtamasy bolýy kerektigin eske salǵan edi. Onyń aıtýynsha, Qazaqstandaǵy barlyq kýrorttyq oryndarda osy jyldyń jazǵy týrıstik maýsymynyń sońyna deıin bos oryndar qalmaǵan.


Joǵary qaraı