Aýa raıy
Astana -12 °S
Almaty -5 °S
valıýta baǵamy
USD 421.58
EUR 496.83
RUB 5.53
CNY 62.20

Tanymal rejısser halyqaralyq qaqtyǵystardy retteýdegi Elbasynyń róli týraly aıtty

2020 jyldyń 26 qarasha 2020 21:13

NUR-SULTAN. QazAqparat –Tanymal táýelsiz kınorejısser Radık Kýdoıarov halyqaralyq qaqtyǵystardy retteýdegi Elbasy Nursultan Nazarbaevtyń mańyzdy rólin atady. Ol bul týraly búgin Aqparat jáne qoǵamdyq damý mınıstrliginiń uıymdastyrýmen ótken halyqaralyq jıynda aıtty, dep habarlaıdy QazAqparat tilshisi.

Osy oraıda rejısser ótken kezeńde Taýly Qarabaqtaǵy qaqtyǵystardy retteýdegi N. Nazarbaevtyń qadamdaryn eske aldy.

«Jaqynda Qarabaqtaǵy qaqtyǵys qaıta tutanyp baryp, toqtady. Osy jaǵdaı bastalǵan kezde Nursultan Nazarbaev esime tústi. Sebebi 10 jyl buryn Nursultan Ábishuly EQYU-nyń qorytyndy qujatyna Ázerbaıjannyń da, Armenııanyń da kóshbasshylaryn qol qoıýǵa kóndirgen sońǵy saıasatker boldy», - dedi Radık Kýdoıarov «QR Tuńǵysh Prezıdenti: jasampazdyq pen údemeli damýdyń 30 jyly» atty halyqaralyq dóńgelek ústel otyrysynda.

Osy oraıda ol atalǵan qujatta beıbitshilikti saqtap, taraptar arasyndaǵy teketiresti doǵarý sharalary qamtyǵanyn atap ótti.

«Bul óz kezeginde úlken jetistik boldy. Sodan beri eki el basshylary arasynda qandaı da bir qujatqa qol qoıylmady. Nursultan Ábishuly bul jetistikke qalaı qol jetkizilgenin aıtqan edi. Osy oraıda Qazaqstan Tuńǵysh Prezıdentiniń kóregendigin baıqaýǵa bolady. Óıtkeni ol mańyzdy sheshimderdi aldyn ala oılap, qabyldaıtyn adam», - dedi rejısser.

Joǵary qaraı