Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Tapanshamen, pyshaqpen shabýyldaǵan: Almaty oblysynda qylmystyq top ustaldy

2021 jyldyń 7 jeltoqsan 2021 16:49

NUR-SULTAN. QazAqparat – Almaty oblysynda qylmystyq top tapanshamen jáne pyshaqpen turǵyndarǵa shabýyl jasap, tonap kelgen. Kúdiktiler Almaty qalasynda ustaldy, dep habarlaıdy QazAqparat tilshisi.

«6-9 qarasha aralyǵynda Qarasaı aýdandyq polıtsııasynyń kezekshi bólimine jergilikti turǵyndar qarýly shabýylǵa tap bolǵany týraly shaǵym túsirdi. Tirkelgen 3 epızodta da tapansha men pyshaq ustaǵan, betine medıtsınalyq maska kıip, basyn kapıýshonmen búrkemelegen 3 jigit kózge túsken.

Kúdiktiler túnde jalǵyz júrgen adamdardy qarýmen qorqytý arqyly quny 330 myńnan 840 myń teńgege deıin jetetin uıaly telefondardy tartyp alyp otyrǵan. Іs bitken soń kúdiktiler kúmis tústi Hyundai Elantra kóligine otyryp, iz jasyrǵan.

Atalǵan fakti QR Qylmystyq kodeksiniń «Toptyq qarýly qaraqshylyq» baby boıynsha tirkeldi», - dep jazylǵan Polisia.kz málimetinde.

Jedel-izdestirý jumystaryn júrgizgen saqshylar kúdiktilerdi Almaty qalasynan ustaǵan.

«Buǵan deıin olardyń tonaý, qaraqshylyq, densaýlyqqa aýyr zııan keltirý jáne urlyq sııaqty qylmys jasaǵany úshin sottalǵany anyqtaldy. Kúdiktilerden pyshaq, tapansha jáne urlanǵan úsh telefonnyń ekeýi tárkilendi. Al olardyń astyndaǵy kólik jalǵa alynǵan bolyp shyqty. Tergeý soty 3 aıyptalýshynyń da buryn sottalǵanyn eskerip, sotqa deıingi tergeý kezinde qamaýda ustaý túrindegi bultartpaý sharasyn taǵaıyndady», - dep jazylǵan saıtta.


Joǵary qaraı