Aýa raıy
Astana 15 °S
Almaty 23 °S
valıýta baǵamy
USD 412.55
EUR 468.66
RUB 5.79
CNY 58.80

Tapsyrma oryndalady – Aımaǵambetov Prezıdenttiń jańa pándi engizý mindettemesi jaıly

2020 jyldyń 11 shilde 2020 16:18

NUR-SULTAN. QazAqparat – Bilim jáne ǵylym mınıstri Ashat Aımaǵambetov Memleket basshysy Qasym-Jomart Toqaevtyń mektep baǵdarlamasyna «Balalardyń ekologııalyq bilimi» atty jańa pán engizý tapsyrmasy mindetti túrde oryndalatynyn málim etti, dep habarlaıdy QazAqparat tilshisi.

«Prezıdenttiń tapsyrmasy bar. Bul tapsyrma mindetti túrde oryndalady. Ádistemelik kózqaras, jalpyǵa ortaq memlekettik standart, bul mindetti durys oryndaý, ǵylymı amal-ádis turǵysynan áriptesterimiz tıisti sheshimdi ázirleýde. ıAǵnı oqý jospary men oqý baǵdarlamasynyń ǵylymı negizdemesi bolýy kerek. Balanyń aqparatty qabyldaý jasyna baılanysty taldaý jasalady. Kóptegen faktor zertteledi. Osyǵan baılanysty ǵalymdarymyz ben ádiskerlerimiz bul máselemen aınalysýda», - dedi Ashat Aımaǵambetov Bilim jáne ǵylym mınıstrliginiń onlaın formattaǵy tilshilermen kezdesýinde.

Al osy mán mektep baǵdarlamasyna bıyl engizile me? Bul suraqqa jaýap bergen mınıstr eń aldymen júktelgen mindet sapaly iske asyrylýy kerektigin aıtty.

«Osynaý óte durys ıdeıany sapaly túrde júzege asyrý kerek. Bul turǵyda kez kelgen pedagog tıisti kadr, baǵdarlama, oqýlyqtar kerektigin biledi. Sol úshin eń aldymen mindettiń durys oryndalatynyna basa mańyz beremiz», - dedi ol.

Eske sala ketsek Úkimettiń keńeıtilgen otyrysynda Memleket basshysy Qasym-Jomart Toqaev mektep baǵdarlamasyna «Balalardyń ekologııalyq bilimi» atty jańa pán engizýdi tapsyrǵan bolatyn.

«Bizge qazirgi ýaqytta qoǵamdyq kózqaras turǵysynan mańyzy artyp kele jatqan ekologııa problemasymen aınalysý kerek. Jyl saıyn 5 mln tonnaǵa jýyq turmystyq qatty qaldyq jınalyp qalady. Olardyń 15 paıyzy ǵana óńdelýde. Bul - jetkiliksiz», - dedi Qasym-Jomart Toqaev.



Joǵary qaraı