Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Taraz qalasynda 7 mektepte oqýshylardan koronavırýs tabyldy

2022 jyldyń 18 qańtar 2022 07:21

TARAZ. QazAqparat – Epıdemıologııalyq jaǵdaıdy baǵalaý matrıtsasyna sáıkes, Jambyl oblysy «qyzyl» aımaqqa aýysty. Pandemııa bastalǵaly aımaqta koronavırýstyq ınfektsııanyń 22 526 jaǵdaıy tirkelgen, dep habarlaıdy QazAqparat tilshisi.

Jyl basynan beri oblysta KVI-men 1 082 azamat aýyrdy. Ótken táýliktiń ózinde 257 derek anyqtaldy. Ótken aımen salystyrǵanda aýrý kórsetkishi 7 esege ósip otyr.

Bul týraly ÓKQ baspasóz alańynda aımaqtaǵy sanıtarııalyq-epıdemıologııalyq baqylaý departamentiniń basshysy Baıdilda Shynalıev aıtty.

Departament basshysy óńirde 18 jastan asqan 633 372 adam ekpeniń birinshi komponentimen, 567 070 adam ekinshi komponentimen vaktsınatsııalanǵanyn jetkizdi.

Budan basqa, 29 119 jasóspirim, 1 942 júkti jáne 3 283 bala emizetin áıel ekpe alǵan, 57 540 adam qaıta vaktsınatsııalandy.

«Qazirgi ýaqytta «Delta» shtammynan góri 5 ese tez taralatyn jáne 70 ese tez kóbeıetin qaýipti «Omıkron» KVI jańa shtamy aınalymda júrgende vaktsınatsııanyń mańyzdylyǵyn atap ótý kerek. Epıdemıologııalyq ahýaldyń kúrt nasharlaýyna jáne Jambyl oblysynyń «qyzyl» aımaqqa kóshýine baılanysty karantındik is-sharalardy qatańdatý týraly qaýly shyǵaryldy. Bilim berý obektilerinde júrgizilgen monıtorıngke sáıkes, osy oqý jylynda oqýshylar men tárbıelenýshiler arasynda koronavırýstyq ınfektsııamen syrqattanýdyń 379 jaǵdaıy tirkeldi», — dedi spıker.

Baıdilda Seıdildauly Taraz qalasynyń 7 mektebinde oqýshylar arasynda koronavırýs tirkelgenin málimdedi.

Olar: Y.Altynsarın atyndaǵy №49 mektep-gımnazııasy, Á. Bókeıhanov atyndaǵy №1 gımnazııasy, №47 Orta mektep, №40 gımnazııa, №43 Orta mektep, A.Pýshkın atyndaǵy №41 kópsalaly gımnazııasy, I. Panfılov atyndaǵy №39 mektep-gımnazııasynda.

Joǵary qaraı