Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Taraz polıtseıleri men dárigerler dáriden ýlanǵan búldirshinniń ómirin qutqardy

2021 jyldyń 13 maýsym 2021 21:42

TARAZ. QazAqparat – Tarazdyq polıtseıler dári-dármekten ýlanǵan búldirshindi qutqardy, dep habarlaıdy QazAqparat tilshisi.

Beıtanys áıel patrýldik ekıpajdardyń birine úreılenip júgirip keledi. Boıyn qatty qorqynysh bılegen ol polıtsııaǵa ulynyń abaısyzda dári-dármekterden ýlanǵanyn aıtady. Balasynyń ómirine tóngen qaýipten qoryqqan ata-analar úıge jedel járdem shaqyrýǵa ýaqyt joǵaltpaı, aýrýhanaǵa ózderi aparýǵa asyqqan. Alaıda ýaqyttyń qarbalas kezi – kólik keptelesi olarǵa aıtarlyqtaı kedergi keltirgen.

Polıtsııa qyzmetkerleri kishkentaı patsıentti qutqarý úshin shuǵyl sheshim qabyldaıdy. Polıtseıler kóp oılanbastan dabyl belgisin qosyp, kedergisiz dálizdi qamtamasyz etip, kólikti dereý oblystyq balalar aýrýhanasyna jetkizedi. Dárigerler de balany shuǵyl baqylaýǵa alǵan.

«Jol-beket qyzmetiniń polıtseıleri Bekjan Meırqulov pen Bolat Sadyrbaevtyń jedel áreketteri men kásibılikterin, adamgershilikterin erekshe atap ótkim keledi. Mundaı polıtseılerge tek qurmet!», – dep jazdy Taraz qalasynyń turǵyny Instagram-daǵy áleýmettik paraqshalardyń birinde.




Avtor Saıa Sembaı
Basty sózder: Aımaq, Jambyl oblysy, Oqıǵa, Qoǵam,
Joǵary qaraı