Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Tarazda «Anaǵa taǵzym» ortalyǵy salynyp jatyr

2021 jyldyń 23 shilde 2021 05:11

TARAZ. QazAqparat – Jambyl oblysynyń ákimi Berdibek Saparbaev Taraz qalasyn kezekti ret aralap, qurylys-jóndeý jumysynyń barysyn tekserdi, dep habarlaıdy QazAqparat tilshisi.

Q.Rysqulbekov atyndaǵy saıabaqtyń janynda bıznestiń áleýmettik jaýapkershiligi aıasynda «Anaǵa taǵzym» ortalyǵy boı kóterip jatyr.

Úsh qabatty ǵımarattyń qurylysyn «Elim – Stroı» JShS júrgizýde. Merdiger kompanııa nysandy osy jyldyń kúzinde tapsyrýdy josparlap otyr.

Munda názik jandylarǵa arnalyp túrli kýrstar uıymdastyrylyp, olarǵa quqyqtyq jáne psıhologııalyq kómekter kórsetiledi.

Sondaı-aq, balalar men jasóspirimder úshin trenıngter, qolóner bólmeleri jumys isteıtin bolady.

Ǵımarattyń aldynda analardyń qurmetine arnalyp eskertkish ornatylmaq.

Sáýlet jáne qala qurylysy basqarmasynyń basshysy Arman Ábdeshov eskertkish jergilikti músinshilerdiń qolynan shyqqanyn atap ótti.

Oblys ákimi nysannyń ishki bezendirý jumystaryn ulttyq naqyshta júrgizýdi tapsyrdy.

Taraz qalasynyń mektepten tys jumys jáne balalar shyǵarmashylyǵy ortalyǵynyń ornynda jaqynda oqýshylar saraıy ashylmaq.

Qazir 600 oryndyq taǵy bir korpýstyń qurylysy júrip jatyr. Onyń qurylysymen «Taraz qurylys ınvest» JShS aınalysýda.

Jańa ǵımarattyń jalpy aýdany - 9,3 myń sharshy metr.

Al, ortalyqtyń eski ǵımaratynyń ózi jóndeýden ótedi.

Jumys istep turǵan úıirmelerden bólek, keme modeldeý, ushaq modeldeý, robototehnıka, IT ortalyǵy, planetarıı, observatorııa úıirmeleri ashylady.

Berdibek Saparbaev qurylys jumystarynyń baıaý júrgizilip jatqanyna nazar aýdaryp, qurylys basqarmasyna baqylaýdy tapsyrdy.

Budan soń № 2 jáne №22 orta mektepterdegi qurylys jumystarymen tanysty. Óńir basshysy mektepterdiń jańa oqý jylyna deıin tapsyrylýy tıis ekenin atap ótti.

Sol sekildi Shalǵaı Qarasý massıvinde 600 oqýshyǵa arnalǵan jańa mektep salynýda.

Oblys ákimi mektep aýmaǵyn abattandyrýǵa erekshe nazar aýdarýdy jáne dálizderdi motıvatsııalyq jáne tanymdyq sýrettermen bezendirýdi talap etti.














Avtor Saıa Sembaı
Basty sózder: Aımaq, Jambyl oblysy, Qurylys,
Joǵary qaraı