Aýa raıy
Astana -1 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Tarazda aıaq astynan sıren gúldedi

2020 jyldyń 24 qyrkúıek 2020 07:18

TARAZ. QazAqparat - Tarazda kúzgi jaımashýaq aýa raıynyń áserinen bórtegúl gúldedi, dep habarlaıdy QazAqparat.

Qazaqstannyń ońtústik aımaqtaryna kúzgi salqyn áli kele qoıǵan joq, kún áli jyly. Qazirgi ýaqytta aýa raıy +24 +26 gradýsqa deıin jylynyp, jelsiz tymyq kúnder saltanat qurǵan.

Sońǵy kúnderi Taraz turǵyndary áleýmettik jelilerge qaıtadan gúldep jatqan sıren, ıaǵnı bórtegúldiń sýretin jarysa salyp jatyr. Kúz kezeńi úshin mundaı erekshe qubylys qarapaıym turǵyndardy ǵana emes, bıologtar men ekologtardy da tańǵaldyryp otyr.




Bıolog maman Amalbek Tursynovtyń aıtýynsha, kópjyldyq ósimdiktiń bir jylda eki márte gúldeýi - anomaldy jaǵdaı. Bul erekshe jyly aýa raıyna baılanysty bolýy múmkin.

«Jaımashýaq jyly kún ósimdikterdiń aldaǵy kóktemge dep berilgen resýrsyn osy kezde paıdalanýyna ákep soǵýy múmkin. ıAǵnı, ósimdikter keleshekke arnalǵan potentsıalyn qazir paıdalanýǵa májbúr bolady. Muny bıologııalyq saǵattardyń aýa raıynyń áserinen aýysyp ketýi dep sanaýǵa bolady. Mysaly, jemis aǵashy óziniń bolashaqqa saqtalǵan ál-aýqatyn osylaı kúzde qoldanatyn bolsa, onda ol kóktemde jemisti az salýy múmkin. Demek, bul - jalpy alǵanda jaǵymsyz qubylys. Barlyq nárse tabıǵattyń zańy boıynsha óz ýaqytynda bolǵany jón», - deıdi maman.




«Qazgıdromet» RMK oblystyq fılıaly da bul qubylystyń aýa raıy men Jambyl oblysy aýmaǵynyń klımattyq sanalýandyǵyna baılanysty ekenin túsindirdi.

Taıaýdaǵy jeti kúnde Jambyl óńirinde +21 +17 gradýsqa deıin jyly bolady. Kúzgi sýyq qazan aıynyń basynda ǵana kelýi múmkin.






Joǵary qaraı