Aýa raıy
Astana -27 °S
Almaty -2 °S
valıýta baǵamy
USD 421.58
EUR 496.83
RUB 5.53
CNY 62.20

Tarazda baspana kezeginde turǵan 80 otbasyna páter kilti tapsyryldy

2020 jyldyń 28 qarasha 2020 12:52

TARAZ. QazAqparat –Tarazda Tuńǵysh Prezıdent kúni qarsańynda kezekte turǵandarǵa jańa páterlerdiń kilti tabystaldy. 80 páterlik ǵımarat «Nurly jer» baǵdarlamasy boıynsha salynǵan,-dep habarlaıdy QazAqparat.

Halyqtyń áleýmettik osal toptarynyń ókilderi, onyń ishinde balalar úıiniń túlekteri, tolyq emes otbasylar jáne múgedek balalardy tárbıelep otyrǵan otbasylar baspanaly boldy. Qonys toıyn toılaǵandardyń qatarynda UOS ardagerlerine teńestirilgen adamdar men bıýdjet qyzmetkerleri de boldy.

Oblys ákimi Berdibek Saparbaev turǵyndardy qýanyshymen quttyqtady.

«Baspana máselesi - ár adam úshin mańyzdy. Qazaqstandyqtardy turǵyn úımen qamtamasyz etý úshin «Nurly jer», «Baqytty otbasy», «7-20-25» baǵdarlamalary iske asyrylýda. 32 myńǵa jýyq tarazdyq turǵyn úı kezeginde tur. Bıyl myńǵa jýyq páter, sondaı-aq az qamtylǵan otbasylar úshin 180 páterli jataqhana paıdalanýǵa berildi»,- dep atap ótti oblys ákimi.




Lıýbov Tıtorenko páterge UOS ardagerine teńestirilgen adam retinde qol jetkizgen.

«Búgin men úshin eń baqytty kún, óıtkeni baspanaly boldym», - dep aǵynan jaryldy ol.

Tarazdyń taǵy bir turǵyny Nazıra Ábdiraıym jalǵyzbasty ana retinde kezekte turǵan.

«Shynymdy aıtsam, páter kiltin alamyn kútpegen edim. Mine, endi meniń de óz úıim bar. Qýanyshymdy qalaı jetkizerimdi de bilmeı turmyn. Atsalysqandardyń bárine rahmet», - dep áserimen bólisti Nazıra Ábdiraıym.




Osylaısha jańa besqabatty turǵyn úı paıdalanýǵa berildi. Munda barlyq ınjenerlik kommýnıkatsııalar júrgizilgen.

Aıta keteıik, úı jańa 15 shaǵyn aýdanda ornalasqan. Onda birden birneshe turǵyn úı salynýda.

Qazir oblysta 65 kóppáterli turǵyn úıdiń qurylysy júzege asýda desek, onyń 50-den astamy Tarazda.

Bıyl 3146 páterli 57 úı paıdalanýǵa berilmek, 41-i «Nurly jer» baǵdarlamasy boıynsha boı kóteria jatyr.

Jyl qorytyndysymen 615 myń sharshy metr turǵyn úıdi paıdalanýǵa berý josparlanýda.











Joǵary qaraı