Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Tarazda kópqabatty úıler jylý eseptegish quraldarmen qamtylǵan ba

2021 jyldyń 27 aqpan 2021 02:38

TARAZ. QazAqparat – Bıyl qarjylyq lızıng shartyna sáıkes Taraz qalasyndaǵy kóppáterli turǵyn úılerge 435 jalpy úılik jylý esepteýish quraldaryn ornatý qarastyrylǵan, dep habarlaıdy QazAqparat tilshisi.

Degenmen, qazirgi ýaqytta bar-joǵy 229 jalpy úılik esepteýish aspaptary ornatylǵan desek, bul olqylyq oryndaýshy tarap óz mindettemelerin tolyq kólemde oryndamaǵannan bolǵan.

Bul týraly óńirlik kommýnıkatsııalar qyzmetinde ótken brıfıngte oblystyq energetıka jáne turǵyn úı-kommýnaldyq sharýashylyq basqarmasy basshysynyń orynbasary Rýslan Muzdybekov aıtty.

Sonymen qatar, brıfıngke «Taraz Trans Energo» memlekettik kommýnaldyq kásiporyn dırektory Knıaz Týrtaeva da qatysty.

Spıkerlerdiń aıtýynsha, shart boıynsha esepteýish quraldaryn satatyn «Kazpromelektroservıs» seriktestigi aspaptardy ornatqannan keıin bastapqy tekserýdi júzege asyrýǵa mindetti.

Sondaı-aq, kepildemelik servıstik qyzmet kórsetýdi qamtamasyz etý mindeti júktelgen.

Alaıda, bastapqy tekserý jáne kepildemelik qyzmet kórsetý qyzmetterin atqarmaı otyrǵany úshin satýshyny «Taraz Trans energo» sotqa bergen.

Sot sheshimimen «Kazpromelektroservıs» seriktestigine 435 dana JÚJEA kezekti metrologııalyq tekserýdi júzege asyrýdy mindetteý júktelgen.

«Ótken jyldyń jeltoqsan aıynda buryn ornatylǵan 29 jylý eseptegshtiń tekserý merzimi aıaqtalǵan. Osyǵan baılanysty Taraz qalasynyń kóppáterli turǵyn úıleriniń turǵyndarynan esepteýish aspaptarynyń kórsetkishi esepke alynbaı, jalpy alań boıynsha jylýmen jabdyqtaý qyzmetteri úshin usynylǵan shottarǵa qatysty turǵyndar tarapynan kóptegen shaǵymdar kelip túsken. Máseleni sheshý úshin jaýaptylarmen birge jınalys ótkizildi. Qorytyndysy boıynsha «Tarazenergoortalyǵyna» aqpan aıynan bastap jylytý maýsymy aıaqtalǵanǵa deıin tutynylatyn qyzmettiń esep shottary eseptegish aspaptardyń kórsetkishteri boıynsha usyný tapsyryldy»,-dedi Rýslan Myzdybekov.

Aıta ketý kerek, jylytý maýsymy aıaqtalǵannan keıin kelesi jylytý maýsymy bastalǵanǵa deıin buryn ornatylǵan qaladaǵy 229 jalpy úılik jylý eseptegish quraldy tekserýden ótkizý josparlanyp otyr.

Joǵary qaraı