Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Tarazda munaraly kranǵa shyǵyp, sekirmek bolǵan áıel qutqaryldy

2021 jyldyń 21 qyrkúıek 2021 14:28

TARAZ. QazAqparat – Tarazdyq polıtseı bıik munaraly kranǵa shyǵyp, sekirmek bolǵan áıeldi qutqaryp qaldy, dep habarlaıdy QazAqparat tilshisi.

Taraz qalasynyń Polıtsııa basqarmasy Jedel basqarý ortalyǵynyń kezekshi bólimine «102» telefonyna habarlama túsip, qońyraý shalýshy oblys ortalyǵyndaǵy 15 shaǵyn aýdannyń aýmaǵynda belgisiz áıel bıik qurylys kranynan sekirmek bolyp jatqanyn aıtqan.

PD baspasóz qyzmetiniń habarlaýynsha, oqıǵa ornyna dereý attanǵan patrýldik ekıpaj qurylys kranynyń eń bıik jerinde otyrǵan áıeldi kóredi. Polıtsııa qyzmetkerleriniń biri oılanbastan kranǵa tez kóterilip, áıeldi ómirine qaýip tóndiretin áreketti jasamaýǵa shaqyrǵan. Uzaq júrgizilgen sóılesýden keıin, polıtseı ony kóndirip, tómen túsýine kómektesken. Tártip saqshylary áıeldiń mas kúıde bolǵandyǵyn anyqtady. Polıtseıler ony kórsetilgen mekenjaı boıynsha úıine aparyp, profılaktıkalyq túsindirý jumystaryn ótkizdi.


Avtor Saıa Sembaı
Basty sózder: Jambyl oblysy, Oqıǵa, QR ІІM,
Joǵary qaraı