Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Tarazda «Myńbulaq» bazaryn súrip jatyr

2021 jyldyń 11 qyrkúıek 2021 21:23

TARAZ. QazAqparat – Taraz qalasynda zańsyz soǵylǵan «Myńbulaq» bazaryn súrý jumystary bastaldy, - dep habarlaıdy QazAqparat tilshisi.

Atalmysh nysan ıesi 2018 jyly jer telimin zańsyz alǵan jáne qurylys jumystaryn júrgizýge de ruqsat berilmegen. Alaıda, munda 32 saýda pavılony salynyp, saýdagerlerge satylǵan. Sondaı-aq, saýda ornynyń ıesi kásipkerlermen kelisimshartqa turmaǵan.

Aıta keteıik, 2018 jyly atalǵan pavılondardy súrý týraly Taraz qalalyq sotynyń sheshimi shyqqan. Saýda ornynyń ıesi súrý jumystaryn júrgizýden bas tartqandyqtan, is 2020 jyly Taraz qalalyq ákimdigine júkteledi.

«2020 jyldyń tamyz aıynan bastap osy kúnge deıin saýdagerlerge 4 ret eskertý habarlamalary taratyldy. Biraq, ár joly saýdagerler túrli sebeptermen qarsylyq bildirip kelgen. 2021 jyldyń shildesinde jańa oqý jylynyń aldynda saýda-sattyq jasap alýǵa ruqsat surap, qyrkúıektiń 6-nan bastap súrý jumystaryna kelisim beretindigi týraly qolhat jazǵan bolatyn.




2021 jyldyń 6-shy qyrkúıegi kúni súrý jumystary bastaldy. Barlyq saýdagerlerge «Aırylmas», «Grand bazar», «Aýyl bereke», «Jibek joly» bazarlarynan saýda oryndary 2 aı merzimmen tegin usynyldy»,-delingen Taraz qalasy ákimdiginiń habarlamasynda.




Aıta ketý kerek, atalmysh bazardaǵy beı-bereket saýdaǵa qatysty halyq tarapynan shaǵym óte kóp. Órt qaýipsizdigi men sanıtarlyq talaptar saqtalmaǵan bazardyń súrilýine qatysty atalmysh aýdan turǵyndary da oń pikir bildirýde.


Avtor Saıa Sembaı
Basty sózder: Qurylys, Jambyl oblysy,
Joǵary qaraı