Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Tarazda probatsııa esebinde turǵandar úshin bos jumys oryndary jármeńkesi ótti

2021 jyldyń 21 aqpan 2021 20:37

TARAZ. QazAqparat – Jambyl oblystyq QAJ departamentine baǵynysty probatsııa qyzmeti, oblystyq prokýratýra jáne Taraz qalasy ákimdigi jumyspen qamtý bóliminiń birlese uıymdastyrýymen probatsııa esebinde turǵan jumyssyz azamattar úshin bos jumys oryndary jármeńkesi ótti, dep habarlaıdy QazAqparat tilshisi.

«Eńbek» nátıjeli halyqty jumyspen qamtý jáne jappaı kásipkerlikti damytýdyń 2017-2021 jyldarǵa arnalǵan baǵdarlamasyn negizge ala otyryp ótkizilgen jármeńkeniń basty maqsaty – bas bostandyǵynan aıyrý oryndarynan bosatylǵandardy, sondaı-aq probatsııa qyzmetiniń esebinde turǵan sottalǵandardy turaqty jumyspen qamtý.

Jalpy, sharada 18 jumys berýshiler 44 turaqty jumys ornyn usynsa, toǵyz jumys berýshi www.enbek.kz saıty arqyly 24 bos jumys jumys ornyn usyndy.

Óńirlik QAJ departamentine baǵynysty probatsııa qyzmetine basshylyq etý bóliminiń bastyǵy Ádilet Ermanovtyń aıtýynsha, búgingi kúnge deıin prokýratýra jáne jumyspen qamtý ortalyǵymen birlese júrgizilgen júıeli jumysqa sáıkes esepte turǵan birqatar azamattar jumyspen qamtylǵan.

«Probatsııa qyzmetiniń esebinde turǵan azamattar búgingi jármeńke barysynda usynylǵan bos jumys oryndarynan ózderine laıyqty jumysty qarap, jumysqa ornalasyp ketedi dep oılaımyn. Jalpy, jumyspen qamtý ortalyǵymen birlese atqarǵan jumystarymyzdyń nátıjesinde oblys boıynsha 620 sottalǵan azamat jumyspen qamtylǵan. Al búgingi jármeńke barysynda esepte turǵan taǵy da 22 azamat túrli jumystarǵa joldama aldy», – dedi Á. Ermanov.


Joǵary qaraı