Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Tarazda terrorlyq shabýyldan qaza tapqan UQK qyzmetkerlerine eskertkish qoıyldy

2021 jyldyń 14 shilde 2021 12:02

TARAZ. QazAqparat – Ulttyq qaýipsizdik organdary qyzmetkerleriniń kásibı merekesine oraı Tarazda beıbit turǵyndardy qutqarý jolynda óz ómirin qurban etken UQKD qyzmetkerleri Muhtar Halıev pen Sergeı Kasıanenkoǵa arnalǵan eskertkish-monýment ashyldy, dep habarlaıdy QazAqparat tilshisi.

Eske sala keteıik, 2011 jyly Tarazdaǵy terrorlyq shabýyl kezinde qaza tapqandardyń arasynda UQKD qyzmetkerleri Muhtar Halıev pen Sergeı Kasıanenko da bar bolatyn.

Olar dinı ekstremıstermen baılanysy bar degen kúdikke ilingen qylmyskerge syrtqy baqylaý júrgizdi.

Terrorıst izine túsken jedel-izdestirý basqarmasy qyzmetkerlerine shabýyl jasap, ajal qushtyrǵan edi.




Batyrlardyń esimi endi UQKD ǵımaratynyń janyndaǵy skverde ornalasqan eskertkish-monýmentte máńgi saqtalmaq.

Saltanatty sharaǵa Jambyl oblysynyń ákimi Berdibek Saparbaev, oblys prokýrory Nurǵalym Ábdirov, UQKD bastyǵy Marat Irmenov, polıtsııa departamentiniń bastyǵy Janat Súleımenov jáne qaza tapqan qyzmetkerlerdiń jaqyn týystary qatysty.




Aımaq basshysy Ulttyq qaýipsizdik komıtetiniń qurylǵan kúni ashylyp otyrǵan batyrlarǵa arnalǵan eskertkish-monýmenttiń aıryqsha mańyzdylyǵyn atap ótti.

«Týǵan jerdegi beıbitshilikti, turaqtylyqty saqtaý úshin óz ómirin qıǵan UQKD qyzmetkerleri – eli men halqyna shynaıy berilgen, sheksiz adaldyqtyń úlgisi bolyp qala bermek. Óskeleń jas urpaq osyndaı azamattardan úlgi alýy tıis Osy skverdi abattandyrǵany úshin UQKD basshylyǵy men qyzmetkerlerine alǵysymdy bildiremin», - dedi Berdibek Saparbaev.




Shara barysynda qaza tapqan qyzmetker Muhtar Halıevtiń ákesi Ermekbaı Halıev te sóz aldy.

«Aspanymyz árqashan ashyq, elimiz beıbitshilikte ómir súrsin!» – degen tilegin jetkizdi ol.

Budan soń qonaqtar UQKD ǵımaratynda ótken ulttyq qaýipsizdik organdary kúnine arnalǵan saltanatty sharaǵa qatysty.


Joǵary qaraı