Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Tarazda «Jambyl – meniń jaı atym, halyq - meniń shyn atym» atty respýblıkalyq aıtys ótýde

2021 jyldyń 26 aqpan 2021 14:07

TARAZ. QazAqparat – Tarazda jyr alyby – Jambyl Jabaevtiń 175 jyldyq mereıtoıyna oraı respýblıkalyq aıtys bastaldy, dep habarlaıdy QazAqparat tilshisi.

Bul kúngi sharalar tańerteńmen aqynnyń Tarazdaǵy eskertkishine gúl shoqtaryn qoıý rásiminen bastaldy. Oǵan oblys ákimi, qoǵam qaıratkerleri, zııaly qaýym ókilderi men mádenıet salasynyń maıtalmandary qatysty.

Budan soń «Balasaǵun» ortalyq kontsert zalynda «Jambyl – meniń jaı atym, halyq – meniń shyn atym» atty respýblıkalyq aıtys bastaldy. Sóz barymtasyna barlyǵy elimizdiń ár óńirinen 20 aqyn 10 jup boıynsha qatysýda. Sóz saıys onlaın formatta ótýde.

Alǵashqy jup bolyp jambyldyq Aıtmuhanbet Isaqov pen qostanaılyq aıtys aqtańgeri Aıbek Qalıev shappa-shapqa tústi.




Aıtysty aqyn, elimizdiń Eńbek sińirgen qaıratkeri, «Parasat» ordeniniń ıegeri Júrsin Erman júrgizýde. Qazylar qataryndaǵy Qazaqstannyń halyq ártisi Asanáli Áshimov, Memleket jáne qoǵam qaıratkeri Myrzataı Joldasbekov, ánshi-kompozıtor, Qazaqstannyń halyq ártisi Altynbek Qorazbaev, Qazaqstannyń eńbek sińirgen qaıratkeri Ǵalym Jaılybaı bar. Sondaı-aq aıtysker aqyn, QR Mádenıet salasynyń úzdigi Baýyrjan Halıolla, jýrnalıst, oblystyq «Aq jol» gazetiniń bas redaktory Oralhan Dáýit jáne aıtysker aqyn, QR Mádenıet salasynyń úzdigi Ahmetjan Ózbekov sóz saıysqa baǵa berýde.




«Bıylǵy jyly aldymyzda birqatar mindetter tur. Onyń bastysy el Táýelsizdiginiń 30 jyldyǵy men jyr alyby Jambyl Jabaevtyń 175 jyldyǵyn joǵary deńgeıde atap ótý. Asa kórnekti tulǵalardyń mereıtoılary men ataýly kúnder – azamattardyń ulttyq jáne tarıhı ózindik sanasynyń damýyna eleýli yqpal etetin qoǵamnyń mádenı ómiriniń mańyzdy bóligi»,- dedi oblystyq Mádenıet, arhıvter jáne qujattama basqarmasy basshysynyń orynbasary Sara Madıeva.











Joǵary qaraı