Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Tarazda jyr alyby Jambylǵa arnalǵan respýblıkalyq aıtys máresine jetti

2021 jyldyń 26 aqpan 2021 23:25

TARAZ. QazAqparat – Taraz qalasyndaǵy «Balasaǵun» kontsert zalynda ótken jyr alyby Jambyl Jabaevtyń 175 jyldyq mereıtoıyna arnalǵan «Jambyl – meniń jaı atym, halyq – meniń shyn atym» atty respýblıkalyq aıtys máresine jetti, dep habarlaıdy QazAqparat tilshisi.

Elimizdiń ár óńirinen kelgen jıyrma aqynnyń ishinde jambyldyq Aıtmuhanbet Isaqov pen qostanaılyq Aıbek Qalıev aqyndardyń alǵashqy jubyn qurasa, sóz óneriniń alǵashqy aınalymyn Baızaq aýdanynyń týmasy Altynkúl Qasymbekova men almatylyq Shuǵaıyp Sezimhan túıindedi.

Ǵasyr jasaǵan Jambyl babamyz ben elimizdiń aqpan aıynda týǵan birqatar tulǵalaryn, Táýelsizdigimizdiń 30 jyldyǵyn jyryna arqaý etken aqyndar jaqsy aıtys jasaı bildi.

Kópten beri aıtys kórmeı ańqasy kepken kórermenniń meıiri jyrǵa qandy.

Osylaısha 10 jup aqynnyń ishinde 3 jup aqtyq aınalymǵa ótti.

Aqtyq aıqasta jurt jambyldyq Shapaǵat Sábıtqyzy men Shuǵaıyp Sezimhannyń, túbi túrkistandyq Erkebulan Qaınazar men jerlesimiz Qanat Myrzahannyń, qyzylordalyq Nurmat Mansur men Shyǵys Qazaqstan oblysynan kelgen Rústem Qaıyrtaıulynyń tartysty ónerin tamashalady.

Jyr dodasy qas qaraıǵansha sozylyp, Halyq ártisi Asanáli Áshimov bastaǵan qazylar sheshimimen bas júlde Jambyl oblysynyń týmasy Qanat Myrzahannyń qanjyǵasyna baılandy.

Toptan oza shapqan oǵlanǵa oblys ákimi Berdibek Saparbaev 2 mıllıon teńgeniń sertıfıkatyn tabys etti.

Al birinshi orynǵa laıyq dep tanylǵan Rústem Qaıyrtaı men Erkebulan Qaınazarovqa 750 myń teńgeden berildi.

Árqaısy 500 myń teńgeniń sertıfıkatyna ıe bolǵan Shapaǵat Sábıtqyzy men Nurmat Mansur ekinshi orynǵa taban tiredi.

Pavlodar oblysynyń týmasy Aspanbek Shuǵataev, Petropavldan kelgen Jarqyn Juparhan, Shuǵaıyp Sezimhan úshinshi oryndy mise tutyp, olarǵa 300 myń teńgeniń sertıfıkattary tabys etildi.

Sondaı-aq, 3 aqynǵa yntalandyrý syılyǵy berilse, qalǵan qatysýshylar oblys ákiminiń Alǵys hatymen marapattalyp, aqshalaı syılyqqa ıe boldy.





Joǵary qaraı