Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Tarazdyq qutqarýshylar sýǵa aǵyp ketken qyzdy aman alyp qaldy

2021 jyldyń 2 tamyz 2021 03:33

TARAZ. QazAqparat – Jambyl oblysy TJ departamentiniń «112» qutqarý qyzmetine Taraz qalasy mańyndaǵy Shóldala ıini aýmaǵyndaǵy aǵyny qatty sý arnasynda áıel adamnyń sýǵa aǵyp bara jatqandyǵy jóninde habarlama kelip túsken, - dep habarlaıdy QazAqparat tilshisi.

Oqıǵa ornyna Jambyl oblysy TJD Órt sóndirý jáne avarııalyq-qutqarý jumystary qyzmetiniń Jedel-qutqarý jasaǵynyń qutqarýshylary shuǵyl jetken. Eki qutqarýshy jedel túrde aǵyny kúshti sýǵa sekirgen. Osylaısha, Jomart Kadyrov jáne Ertaı Teleýbaev esimdi qutqarýshylar sýǵa aǵyp bara jatqan azamatshany sýdan qutqaryp, jedel járdem qyzmeti jetkenshe alǵashqy dárigerge deıingi kómek kórsetken.

«Al odan ári jedel járdem qyzmetine tapsyrǵan. Qazirgi ýaqytta tıisti organ qyzmetkerlerimen álgi sýdan qutqarylǵan azamatshanyń jeke basyn anyqtaý jumystary júrgizilýde. Osylaısha bir adamnyń ómirin qutqarǵan qutqarýshylar odan ári ózender men sý kózderin aralap, sýǵa shomylýshylarǵa sýdaǵy qaýipsizdik erejelerin saqtaý jónindegi túsindirý jumystaryn jalǵastyrdy»,-delingen TJD baspasóz qyzmetiniń habarlamasynda.

Osyǵan oraı Jambyl oblysy TJ departamenti turǵyndardy sýǵa shomylý kezinde qaýipisizdik sharalaryn saqtaýǵa shaqyrady.


Joǵary qaraı