Aýa raıy
Astana -20 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Tarazdyqtarǵa páter alyp berýge ýáde bergen alaıaq áıel qolǵa tústi

2020 jyldyń 28 qazan 2020 14:26

TARAZ. QazAqparat – Tarazda alaıaq páter satyp alýǵa kómektesemin dep turǵyndardyń 2,5 mıllıon teńgesin alyp ketken, - dep habarlaıdy QazAqparat tilshisi.

Taraz qalasy polıtsııa basqarmasy krımınaldyq polıtsııa bóliminiń qyzmetkerleri alaıaqtyq jasaǵany úshin 33 jastaǵy oblys ortalyǵynyń turǵynyn ustady. Bul týraly oblystyq polıtsııa departamentiniń baspasóz qyzmeti habarlady.

«Tergeýge deıingi tekserý barysynda áıeldiń qala turǵyndarynyń senimine kirip, úı satyp alý boıynsha qyzmetter usynǵany anyqtaldy. Sol arqyly ol «qurbandarynyń» 2,5 mıllıon teńgesin ıemdengen.
Atalǵan fakti boıynsha QR Qylmystyq kodeksiniń 190-baby 3-bóligi «Alaıaqtyq» boıynsha sotqa deıingi tergeý amaldary júrgizilýde»,-delingen vedomstvo habarlamasynda.

Alaıaqtyń quryǵyna túsken basqa da adamdardy anyqtaý boıynsha birqatar tergeý áreketteri atqarylýda.


Avtor Saıa Sembaı
Basty sózder: Qylmyspen kúres, Jambyl oblysy,
Joǵary qaraı