Aýa raıy
Astana 9 °S
Almaty 4 °S
valıýta baǵamy
USD 389.59
EUR 429.06
RUB 6.05
CNY 55.07

Tarazdyń jer úılerine ýly gazdy anyqtaıtyn datchıkter ornatylýda

2019 jyldyń 20 qyrkúıek 2019 14:55

TARAZ. QazAqparat – Taraz qalasynda aldaǵy jylytý maýsymy qarsańynda adamdardyń ólimi men jaraqattanýyn, sondaı-aq tabıǵı jáne ysty gazdan ýlanýyn boldyrmaý maqsatynda jer úılerge datchıkter ornatylýda, dep habarlaıdy QazAqparat.

Búgingi kúnge deıin 1673 dana gaz saraptaýysh quraly ornatyldy.

Jumystardy Jambyl oblysynyń Tótenshe jaǵdaılar departamentiniń jáne Taraz qalasy Tótenshe jaǵdaılar basqarmasynyń qyzmetkerleri «QazTransGazAımaq» AQ Jambyl óndiristik fılıalynyń mekemesimen birlesip «Órt qaýipsizdigi» aılyǵy aıasynda júzege asyrýda.

«Gaz saraptaýysh qondyrǵylardy turǵyn úı sektorynda ornatý jalǵasýda. Turǵyn úıde avtonomdy sıgnalızator nemese ýly gazdy anyqtaıtyn datchıkti ornatý arqyly ýlanýdyń aldyn alýǵa bolady», - Taraz qalasy Tótenshe jaǵdaılar basqarmasy bastyǵynyń orynbasary Omar Takeev.

Aıta keteıik, aǵymdaǵy jyldyń basynan Taraz qalasy aýmaǵynda tabıǵı gazben ýlaný 3 faktisi tirkelip, onyń ishinde 1 adam qaza bolǵan. Sondaı-aq, 4 azamat tabıǵı gazdan zardap shekken. Mamandar tótenshe jaǵdaılardy boldyrmaý maqsatynda aldaǵy jylytý kezeńinde órt qaýipsizdigi erejesin saqtaý qajettigin aıtady.


Avtor Ǵıbrat Sembaı
Basty sózder: Jambyl oblysy, Aımaq,
Joǵary qaraı