Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

«Tarazenergoortalyq» AQ-na 4,6 mln teńge aıyppul salyndy

2021 jyldyń 9 qyrkúıek 2021 12:00

NUR-SULTAN. QazAqparat – «Tarazenergoortalyq» AQ-na 4,6 mln teńge aıyppul salyndy, dep habarlaıdy QazAqparat QR Ulttyq ekonomıka mınıstrligi Tabıǵı monopolııalardy retteý komıtetiniń baspasóz qyzmetine silteme jasap.

Belgili bolǵandaı, «Tarazenergoortalyq» AQ-y Jambyl oblysy boıynsha tabıǵı monopolııalar sýbektileriniń memlekettik tirkeliminiń jergilikti bólimine jylý energııasyn óndirý jáne onymen jabdyqtaý qyzmetterin usyný boıynsha engizilgen bolatyn.

Qazaqstan Respýblıkasy Ulttyq ekonomıka mınıstrligi Tabıǵı monopolııalardy retteý komıtetiniń Jambyl oblysy boıynsha departamenti júrgizgen taldaý nátıjesinde, «Tarazenergoortalyq» AQ-nyń tarapynan bekitilgen tarıftik smetanyń oryndalmaǵany anyqtaldy.

«Tabıǵı monopolııalar týraly» Qazaqstan Respýblıkasy Zańynyń 26-babynyń 2-tarmaǵynyń 15) tarmaqshasyna sáıkes, tabıǵı monopolııa sýbektisi bekitilgen tarıftik smetany oryndaýǵa mindetti.

Joǵarydaǵynyń negizinde,

departament «Tarazenergoortalyq» AQ-na qatysty «Ákimshilik quqyq buzýshylyq týraly» Qazaqstan Respýblıkasy Kodeksiniń 164-babynyń 4 bóligimen ákimshilik quqyq buzýshylyq týraly is qozǵap, 1600 AEK mólsherinde, ıaǵnı 4 667 200 (tórt mıllıon altyjúz alpys jeti myń eki júz) teńge ákimshilik aıyppul saldy.


Joǵary qaraı