Aýa raıy
Astana 24 °S
Almaty 23 °S
valıýta baǵamy
USD 412.55
EUR 468.66
RUB 5.79
CNY 58.80

Tarbaǵataıdaǵy qasqyrly aýyldyń turǵyndaryna qarý ustaýǵa ruqsat berildi

2019 jyldyń 25 qazan 2019 10:12

ÓSKEMEN. QazAqparat – Tarbaǵataıdaǵy qasqyrly aýyldyń turǵyndaryna qarý ustaýǵa ruqsat berildi, dep habarlaıdy QazAqparat tilshisi.

Eske salaıyq, Shyǵys Qazaqstan oblysynyń Tarbaǵataı aýdanyna qaraıtyn Ahmetbulaq aýylynda bir úıdiń 70 bas qoıyn qasqyr qyryp tastaǵan edi. Bul oqıǵa shamamen bir aıdaı ýaqyt buryn boldy. Sol kezde turǵyndar qarýlary bola tura, qasqyrǵa oq ata almaıtyndaryn aıtyp, aryzdanǵan edi. Sebebi ruqsat joq. Al qazirgi ýaqytta atalmysh aýyldyń eki turǵyny qasqyr atýǵa múmkindik aldy. Biraq onyń da belgili bir sharttary bar.

– Shekara shebindegi aýyldarda turatyn myltyǵy bar 15 turǵynǵa qasqyr atýǵa ruqsat berildi. Aýdandyq prokýratýra, polıtsııa, Ulttyq qaýipsizdik komıteti jáne shekara qyzmetkerlerimen kelise otyryp, osyndaı sheshimge keldik. Atap aıtar bolsaq, Jańaaýyl aýyldyq okrýgine qaraıtyn Jańatalaptan 8, Ahmetbulaqtan 2 qarýy bar adam ruqsat aldy. Biraq olar qasqyr ataýlynyń izine túsip, shetinen qyra bermeıdi. Belgili bir sharttary bar. Olarǵa túsindirildi. Máselen, qasqyr shekaradan beri ótkende ǵana oq atady, – dedi Tarbaǵataı aýdanynyń ákimi Serikqazy Sadýaqasov.

Joǵary qaraı