Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Tashkentke baratyn ushaq jolaýshysy 9 mln teńge alyp ketpek bolǵan

2022 jyldyń 26 mamyr 2022 09:35

NUR-SULTAN. QazAqparat - Elordadan Tashkentke ushatyn ushaqtyń jolaýshysy ózimen birge 9 mln teńge alyp ketpek bolǵan. Bul týraly Nur-Sultan qalasy boıynsha Memlekettik kirister departamenti málimdedi, dep habarlaıdy QazAqparat.

«Áýejaı-Astana» keden beketiniń qyzmetkerleri UQK sheqara qyzmeti men Áýejaı baqylaý qyzmeti mamandarymen birlesip, Nur-Sultan-Tashkent baǵytynda qatynaıtyn avıareısimen ushatyn jolaýshylardy kedendik baqylaý júrgizgennen keıin atalǵan zań buzýshylyqtyń jolyn kesken.

«Onyń qoljúgin rentgen arqyly qaraǵannan keıin jolaýshy júk bólimine shaqyryldy. Tekserý barysynda onyń sómkesinen 21 650 AQSh dollary (9 mln teńge) anyqtaldy. Bul derek boıynsha ákimshilik materıal toltyryldy», - dep jazdy vedomstvodan.

Aıta keteıik, el Prezıdentiniń bıylǵy 14 naýryzdaǵy Jarlyǵymen Qazaqstannan 10 000 AQSh dollary balamasynan asatyn jáne áketý kúnine belgilengen Ulttyq bank baǵamy boıynsha eseptelgen somadaǵy qolma-qol shetel valıýtasy jáne shetel valıýtasyndaǵy aqsha quraldaryn; Ulttyq bank shyǵaratyn 5, 10, 20, 50 jáne 100 gramm affınırlengen altyn quımalaryn jáne ALTYN BARYS altynynan, KÚMIS BARYS kúmisinen jasalǵan ınvestıtsııalyq monetalardy, sondaı-aq 100 gramnan astam affınırlengen altyndy áketýge tyıym salynǵan.



Basty sózder: Áýejaı, Qarjy, Nur-Sultan,
Joǵary qaraı