Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Tatarstanda jeńil ushaq apatqa ushyrady, birneshe adam qaza tapty

2021 jyldyń 10 qazan 2021 14:40

MÁSKEÝ. TASS-QazAqparat – Tatarstanda Menzelınsk qalasynda RES bazasy mańynda áýe klýbyna tıesili L-410 ushaǵy qulady, dep habarlady TASS-qa jedel qyzmet.

«Máskeý ýaqytymen 09:11-de Menzelınskide áýe klýbyna tıesili jeńil motorly L-410 ushaǵy qulady. Bortta 20 adam bolǵan, olardyń basym bóligi – parashıýtshiler», - dedi agenttik derekkózi.

Bortta 23 adam bolǵan, sonyń ishinde 21-i – parashıýtshiler. Qutqarýshylar ushaqtan jeti adamdy shyǵaryp alǵan, 16 adamnyń taǵdyry belgisiz. «Órt sóndirý – qutqarý jasaǵy taǵy tórt adamdy qutqaryp qaldy. Barlyǵy jeti adam aman qaldy», - dedi TASS-qa agenttik derekkózi.

Buǵan deıin jedel qyzmettegi derekkóz 19 adamnyń qaza tapqanyn habarlaǵan edi.

Sondaı-aq, ol ushaqtyń jergilikti áýe klýby aerodromynan ushqannan keıin birden qulaǵanyn aıtty. Agenttik derekkóziniń málimetinshe, ushaq bir shaqyrymdaı ǵana ushyp úlgergen, áýe kemesi qulaǵan kezde fıýzelıaji qıraǵan. Ushaq 1987 jyldan beri paıdalanylyp keledi.


Basty sózder: Reseı, Oqıǵa,
Joǵary qaraı