Aýa raıy
Astana -6 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Taýarlarǵa ilespe júkqujattardy engizý merzimderi aýystyryldy

2020 jyldyń 20 qazan 2020 02:12

NUR-SULTAN. QazAqparat - Taýarlarǵa ilespe júkqujattardy engizý merzimderi aýystyryldy, dep habarlaıdy QazAqparat Memlekettik kirister komıtetine silteme jasap.

«Qazaqstan Respýblıkasy Premer-Mınıstriniń birinshi orynbasary – QR Qarjy mınıstriniń 2019 jylǵy 26 jeltoqsandaǵy № 1424 «Taýarlarǵa arnalǵan ilespe júkqujattardy resimdeý jónindegi mindet qoldanylatyn taýarlar tizbesin, sondaı-aq Resimdeý jáne olardyń qujat aınalymy qaǵıdalaryn bekitý týraly» buıryǵyna ózgeris engizý týraly» QR Qarjy mınıstriniń 2020 jylǵy 14 qazandaǵy № 1006 buıryǵymen taýarlarǵa ilespe júkqujattardy engizý merzimderi mynadaı túrde aýystyryldy:

2021 jylǵy 1 naýryzdan bastap: etıl spırtiniń jáne (nemese) alkogol óniminiń óndirisine jáne aınalymyna; munaı ónimderiniń jekelegen túrlerin óndirýge jáne olardyń aınalymyna; temeki ónimderin óndirýge jáne olardyń aınalymyna; Qazaqstan Respýblıkasynyń aýmaǵyna ákelinetin taýarlarǵa; Qazaqstan Respýblıkasynyń aýmaǵynan áketiletin taýarlarǵa;

2021 jylǵy 1 mamyrdan bastap: EAEO SEQ TN kodtary jáne ataýy DSU taýarlarynyń tizbesine engizilgen jáne olar boıynsha EShF «Vırtýaldy qoıma» modýli arqyly jazylatyn taýarlarǵa;

2021 jylǵy 1 shildeden bastap: EAEO SEQ TN kody jáne ataýy DSU taýarlarynyń tizbesine engizilgen taýarlarǵa; tańbalaýǵa jatatyn taýarlarǵa.

Eske sala ketsek, atalmysh komıtet taýarlarǵa ilespe júkqujattardy resimdeý jónindegi pılottyq joba 1 qarashadan bastap iske qosylatynyn habarlaǵan.

Joǵary qaraı