Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

«Táýelsizdik urpaqtary» granty: 30 úzdik joba anyqtaldy

2021 jyldyń 24 qarasha 2021 13:13

NUR-SULTAN. QazAqparat - QR Aqparat jáne qoǵamdyq damý mınıstri Aıda Balaeva Prezıdenttik jastar kadrlyq rezervi men «Táýelsizdik urpaqtary» granty týraly aıtyp berdi, dep habarlaıdy QazAqparat.

Aıta keteıik, Nur-Sultanda «Táýelsizdik urpaqtary» respýblıkalyq jastar forýmy ótip jatyr.

«Daryndy jastardy qoldaıtyn strategııalyq sharalarynyń biri – jastardyń kadrlyq rezervi boldy. Bul joba joǵary bilikti jas mamandardyń memlekettik basqarý júıesine túsýine múmkindik berdi. Qazir prezıdenttik kadrlyq rezervke qabyldaýdyń ekinshi kezeńi júrip jatyr. Onyń aıasynda qosymsha 150 jas mamandy irikteý josparlanýda», - dedi Aıda Balaeva «Táýelsizdik urpaqtary» atty jastar forýmynda.

Mınıstr elimizde ǵylym, mádenıet, aqparattyq tehnologııalar, bıznes jáne BAQ salalaryndaǵy jastardyń 30 jobasy men bastamasyn qoldaý maqsatynda jyl saıyn beriletin «Táýelsizdik urpaqtary» granty bekitilgenin aıtty. Onyń kólemi úsh mıllıon teńgeni quraıdy.

«Bıyl sarapshylar talqylaýynyń nátıjesinde konkýrstyq komıssııa 30 úzdik jobany tańdady. Sizder de osy granttardyń tusaýkeserine kýá bolasyzdar dep oılaımyn», - dedi Aıda Balaeva.

Sondaı-aq, A. Balaeva forýmnyń jastar saıasaty salasyndaǵy qorytyndylardy shyǵaryp qana qoımaı, túıtkildi máselelerdi de talqylap, olardy sheshý joldaryn aıqyndaıtynyn jetkizdi.

«Qazaqstannyń Tuńǵysh Prezıdenti – Elbasy Nursultan Nazarbaev Táýelsizdik alǵan kúnnen bastap jastarǵa, olardyń máselelerine jáne sapaly damýyna úlken kóńil bóldi. Búgin sizderge barlyq jol ashyq, al sizderdiń mindetterińiz – eldi budan da kúshti jáne básekege qabiletti etý», - dedi Aıda Balaeva.


Joǵary qaraı