Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

«Táýelsizdik jetistikteri»: Pavlodar oblysynyń barlyq oqý oryndarynda ashyq sabaqtar ótti

2021 jyldyń 20 qyrkúıek 2021 19:32

PAVLODAR. QazAqparat - Qazaqstan Respýblıkasy Táýelsizdiginiń 30 jyldyǵy aıasynda Pavlodar oblysynyń barlyq oqý oryndarynda «Táýelsizdik jetistikteri» atty ashyq sabaqtar ótkizildi, dep habarlaıdy QazAqparat.

Oblys mektepteri men kolledjderiniń oqýshylary úshin ashyq sabaqtardy óńirdiń tanymal tulǵalary, sonyń ishinde oblys ákiminiń orynbasarlary, aýdan ákimderi, depýtattar, eńbek ardagerleri, ǵalymdar, professorlar, kásiporyn basshylary jáne eldiń damýy men gúldenýine úles qosqan qurmetti azamattary ótkizdi.

Y. Altynsarın atyndaǵy daryndy balalarǵa arnalǵan gımnazııa-ınternatynyń oqýshylaryna ashyq sabaqty oblys ákiminiń orynbasary Qurmanova Aızada Amangeldiqyzy júrgizdi.

Aızada Amangeldiqyzy oqýshylarǵa Táýelsizdik jyldaryndaǵy memlekettik qurylystyń negizgi nátıjeleri, jetistikteri men perspektıvalary, sondaı-aq Qazaqstan Respýblıkasynyń Tuńǵysh Prezıdenti – Elbasy N.Á.Nazarbaevtyń táýelsiz memleketti nyǵaıtýdaǵy tarıhı róli jóninde aıtyp berdi.

Sonymen qatar, №43 JOM-da mektep túlegi, Pavlodar qalasy ákiminiń orynbasary, Svetlana Anatolevna Gladyshevamen kezdesý ótti.

№9 JOM-da uıymdastyrylǵan is-sharaǵa Pavlodar qalasy ákiminiń orynbasary Kadısha Kabýldaevna Begotaeva qatysty.

PMPÝ rektory Jılbaev Janbol Oktıabrovıch №2 JOM oqýshylarymen kezdesti. Al №20 JOM oqýshylary InEÝ rektory Anastasııa Alııasovamen tildesýge múmkindik aldy.

№29 JOM-ǵa «NUR OTAN» partııasy PQF tóraǵasynyń birinshi orynbasary Aıgúl Kaırtasqyzy Malıkova jáne Pavlodar oblysy QHA Analar keńesiniń tóraıymy Baqytjamal Shahanqyzy Maksılova keldi.

№17 JOM ashyq sabaǵynda bilim qyzmetkerleri kásipodaǵynyń qalalyq fılıalynyń tóraıymy Sabıra Shakenqyzy Seıtova sóz sóıledi.

Álimbaeva atyndaǵy JOM oqýshylarymen Pavlodar qalasy ákiminiń keńesshisi, «Qaǵandyq» QB tóraǵasy Erkeǵalı Janǵazy jáne Toraıǵyrov ýnıversıtetiniń professory Aıman Faızollaqyzy Zeınýllına kezdesti.

Jalpy alǵanda, «Táýelsizdik jetistikteri» ashyq sabaqtaryna 1000-nan asa qurmetti qonaq jáne oblystyń 100,0 myńnan asa mektep oqýshy men kolledj stýdenti qatysty.


Joǵary qaraı