Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Táýelsizdikke 30 jyl: Aqmola oblysynda jas pikirsaıysshylar saıysy ótti

2021 jyldyń 22 qazan 2021 12:16

KÓKShETAÝ. QazAqparat - Kókshetaýda el Táýelsizdiginiń 30 jyldyǵyna arnalǵan oqýshylar arasynda jas pikirsaıysshylar týrnıri ótti, dep habarlaıdy QazAqparat tilshisi Aqmola oblystyq ishki saıasat basqarmasyna silteme jasap.

Vedomstvonyń málimetinshe, óńirdiń bilim berý salasynda oqýshylardyń zııatkerlik qabiletin arttyrýǵa erekshe kóńil bólinip keledi. Bul baǵytta oblysta jyl saıyn túrli konkýrstar, vıktorınalar, debattyq týrnırler ótkizilip turady. Osy rette, Kókshetaýda el Táýelsizdiginiń 30 jyldyǵyna arnalǵan oqýshylar arasyndaǵy debat týrnıri aıaqtaldy.

Bilim basqarmasynyń dereginshe, sharaǵa 12 aýdannan, 2 qaladan jáne oblystyq daryndy balalarǵa arnalǵan arnaýly mektep-ınternattan 40 komandadan 80 oqýshy qatysty. Pikirsaıys týrnıri amerıkandyq parlamenttik format boıynsha qazaq, orys lıgalarynda ótti jáne irikteý kezeńinen, jartylaı fınaldan jáne fınaldan turdy.

Júldegerlerdi «Bolashaq saraiy» dırektory, oblystyq máslıhattyń depýtaty Aınagúl Baltasheva quttyqtap, marapattady.

«Sizder mektepte tómengi synyp oqýshylaryn, qurdastaryńyzdy tartý arqyly osy qozǵalysty jalǵastyra beresizder dep úmittenemin. Óıtkeni, pikirtalas tek óz kózqarasyn qorǵaý ǵana emes, sonymen qatar aýdıtorııa aldynda sóıleý, saýatty sóıleý, komandada jumys isteýge úıretý. Pikirsaıys qozǵalysynda belsendi túrde aınalysyp, óz oı-órisińizdi ártúrli baǵytta kótergenderińizge alǵys bildiremin», - dedi Aınagúl Baltasheva.

Týrnır qorytyndysy boıynsha qazaq lıgasynda Aqkól aýdanynyń «Aqıqat ushqyny» komandasy jeńimpaz atandy.




Orys lıgasynda «Bolashaq saraiy» atynan «Astreıa» komandasy jeńiske jetti.

Al Tselınograd aýdanynyń «Kemeńger» komandasynan Mıras Raqymov pen Kókshetaý qalasynyń «Akonıt» komandasynyń múshesi Aleksandra Zarýtskaıa úzdik spıker atandy.

«Búgingi týrnır óte qyzyqty ótti. Oıyn deńgeıi de, qatysýshylardyń daıyndyq deńgeıi de joǵary. Maǵan óte unady. Týrnırge qatysqanyma óte qýanyshtymyn», - dedi «Sanaly qyzdar» komandasynyń qatysýshysy Alýa Dýlatova.

Jeńimpazdarǵa dıplom men syılyq, al jetekshilerine alǵys hat tabystaldy. Qalǵan qatysýshylar Aqmola oblysy bilim basqarmasynyń sertıfıkatyna ıe boldy.

Aıta keteıik, oblys mektepterinde 5000-nan astam oqýshyny qamtıtyn 348 debat klýby jumys isteıdi.








Joǵary qaraı