Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Táýelsizdiktiń 30 jyldyǵy: Oralda bokstan erler arasynda Qazaqstan chempıonaty ótedi

2021 jyldyń 8 jeltoqsan 2021 17:30

ORAL. QazAqparat – Oral qalasynda Táýelsizdiktiń 30 jyldyǵy aıasynda bokstan erler arasynda Qazaqstan chempıonaty ótedi, dep habarlaıdy QazAqparat tilshisi.

BQO dene shynyqtyrý jáne sport basqarmasynyń baspasóz qyzmeti málim etkenindeı, el birinshiligi qaladaǵy tennıs ortalyǵynda 15 jeltoqsan kúni bastalyp, 23-inde márege jetedi.

Jyl sońyndaǵy aıtýly dodaǵa Nur-Sultan, Almaty, Shymkent qalalary men Aqmola, Aqtóbe, Almaty, Atyraý, Jambyl, Qaraǵandy, Qostanaı, Qyzylorda, Mańǵystaý, Pavlodar, Soltústik Qazaqstan, Túrkistan, Shyǵys Qazaqstan jáne Batys Qazaqstan oblystarynan 300-ge jýyq boksshy qatysyp, chempıondyq ataqty sarapqa salmaqshy.

Bokstan BQO quramasynyń aǵa jattyqtyrýshysy Sattar Sultanǵalıevtiń aıtýynsha, birinshilikte 13 salmaq dárejesi boıynsha boksshylar rıngke shyǵady. Batys Qazaqstan oblysynyń namysyn 11 sportshy qorǵaıdy dep josparlanyp otyr. Olardyń arasynda ótken jyly 18 jasynda Qazaqstan chempıony, bıyl Azııa birinshiliginiń kúmis júldegeri atanǵan Danııal Sábıt bar. Danııal 48 kg salmaqta baq synaıdy.


Avtor Eljan Eraly
Basty sózder: Boks, Sport, Batys Qazaqstan oblysy,
Joǵary qaraı