Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Taıaý Shyǵystaǵy soǵys qashan toqtaýy múmkin

2021 jyldyń 20 mamyr 2021 14:42

NUR-SULTAN. QazAqparat – Izraıl men Palestınanyń HAMAS áskerı tobynyń arasyndaǵy soǵysty toqtatý osy juma kúni óz kúshine enýi múmkin, dep habarlaıdy QazAqparat The Wall Street Journal basylymyna silteme jasap.

Basylym málimetinshe, Mysyr bıligi HAMAS basshylyǵymen kelisimge kelgen, al ızraıldik áskerıler óz maqsattaryna jetýge jaqyndap qalǵanyn moıyndady.

AQSh resmı ókiliniń málimdeýinshe, prezıdent Djo Baıdenniń ákimshiligi qaqtyǵystardyń osy aptada aıaqtalyp, tatýlastyq ornatynyn kútip otyr. AQSh Mysyr, Katar jáne Eýropanyń birneshe elimen birlesip Gazadaǵy áskerı is-qımyldardy toqtatý úshin barlyq sharalardy qabyldaýda

AQSh-tyń resmı ókili oq jaýdyrýdy toqtatý mehanızmi bar ekenin málimdep, jalǵyz problema – ýaqyt ekenin aıtty. Bul rette ol basqa áskerı top músheleri – Palestınalyq ıslam djıhadynyń aldyn ala boljamsyz faktor ekenin atap ótti. Bul toptyń taraptar oq jaýdyrýdy tolyq toqtatý týraly kelisýshilikke qol jetkizgen soń jaǵdaıdy ýshyqtyrýy (provakatsııalaý) múmkin degen alańdaýshylyq bar. Aq úı túsinikteme berýden bas tartty.

AQSh prezıdenti Djo Baıden sársenbi kúni premer-mınıstr Netanıahýmen telefon arqyly áńgimelesý kezinde «oq jaýdyrýdy toqtatý jolynda aıtarlyqtaı deeskalatsııa kútip otyrǵanyn» jetkizdi. Bul eki el kóshbasshylary arasynda bir aptanyń ishinde bolǵan tórtinshi telefon arqyly áńgimelesýi.

Aıta ketsek, Palestına toptary men ızraıldik áskerdiń bir-birine oq jaýdyrý 10 mamyrda bastaldy. Palestına Densaýlyq saqtaý mınıstrliginiń málimetinshe, qaza bolǵandar sany 250 adamnan asqan, onyń 60-y – balalar. Izraıldik taraptan kem degende 12 adam qaza tapty.


Basty sózder: Taıaý Shyǵystaǵy ahýal, Álem,
Joǵary qaraı