Aýa raıy
Astana 11 °S
Almaty 15 °S
valıýta baǵamy
USD 421.58
EUR 496.83
RUB 5.53
CNY 62.20

Taza Qazaqstan: Aqmola oblysynda 376 zań buzýshylyq anyqtaldy

2020 jyldyń 5 tamyz 2020 05:41

KÓKShETAÝ. QazAqparat – Aqmola oblysynda «Taza Qazaqstan» jedel aldyn alý sharasy barysynda tabıǵatty qorǵaý salasynda 376 zań buzýshylyq anyqtaldy. Bul týraly QazAqparat ІІM silteme jasap habarlaıdy.

Vedomstvonyń málimetinshe, elimizde 24 shilde jáne 30 tamyz aralyǵynda «Taza Qazaqstan» jedel aldyn alý sharasy sheńberinde ekologııalyq reıd ótýde.

Osy maqsatta Aqmola oblysynda jergilikti polıtsııa qyzmeti, ekologııa departamenti, aýdandyq ákimdikter, TJ bólimderi qyzmetkerleri men qoǵam belsendileri jáne jýrnalısterden quralǵan mobıldik top quryldy.

Sharanyń maqsaty, ekologııalyq jaǵdaıdy jaqsartý jáne tabıǵat aıasyna bolǵanda mádenıettilik deńgeıin kóterýdi túsindirý.

«Birlesken reıdi kezinde Aqmola oblysynda tabıǵatty qorǵaý salasynda 376 zań buzýshylyq anyqtaldy. Onyń 171-i QR ÁQbK 505 baby (qalalar men eldi mekenderdiń aýmaqtaryn abattandyrý erejesin buzý) boıynsha.

Tártip saqshylary ýche-Býrabaı kýrortty aımaǵy, Zerendi demalys aımaǵy jáne Qopa kóliniń jaǵajaı aýmaǵynda 153 zań buzýshylyqty tirkedi.

Budan bólek, reıd kezinde 44 azamattyń jaǵajaı aýmaǵy men qoǵamdyq oryndarda alkogoldik masań kúıde júrgeni anyqtaldy. Sýdy paıdalaný erejesiniń 108 ret buzylǵandyǵy, qoǵamdyq oryndardy lastaýdyń 45 jaǵdaıy anyqtalyp, ákimshilik hattama toltyryldy», - delingen ІІM habarlamasynda.

Reıd barysynda jaǵjaılar men saıabaqtar jáne qoǵamdyq oryndar tekseriletin bolady. Sonymen qatar, mobıldik top karantın talaptarynyń saqtalýyna nazar aýdarady. Bul baǵyttaǵy jumystar tamyz aıynyń sońyna deıin jalǵasady.

Avtor Aslan Ospanov
Basty sózder: Ekologııa, QR ІІM, Aqmola oblysy,
Joǵary qaraı