Aýa raıy
Astana -26 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

Tájikstanda qashyqtan jumys isteıtin qyzmetkerler týraly zań qabyldanady

2020 jyldyń 21 qazan 2020 15:08

DÝShANBE. QazAqparat – Tájikstan Respýblıkasynyń zańnamasyna «Qashyqtan jumys isteý» uǵymy engiziledi, dep habarlaıdy QazAqparat Tájikstannyń «Hovar» ulttyq aqparat agenttigine silteme jasap.

19 qazanda Tájikstannyń Madjlısı namoıandagon Madjlısı Olı (parlamenttiń tómengi palatasy) keńesiniń kezekti otyrysy ótip, depýtattar «Halyqty jumyspen qamtýǵa járdemdesý týraly» zańǵa túzetýler engizdi. Onda zańǵa «Qashyqtan jumys isteý» uǵymyn engizý týraly sheshim qabyldandy.

Osynyń negizinde «Halyqty jumyspen qamtýǵa járdemdesý týraly» zańynyń 1-babyna jumys protsesinde aqparattyq-kommýnıkatsııalyq tehnologııalardy paıdalana otyryp, eńbekker jumys ornynan tys jerde qyzmet atqarýǵa bolatynyn retteıtin jańa abzats qosyldy.

Túzetýlerge sáıkes, óz qyzmetin qashyqtan júzege asyratyn azamattar jumys ornyna baryp, eńbek etip júrgen qyzmetkerler sııaqty teń quqyqqa ıe bolady. Al olardyń jumysyna baılanysty týyndaǵan máseleler Tájikstan Respýblıkasynyń Eńbek kodeksimen retteledi.



Avtor Álıhan Asqar
Basty sózder: Zań, Jumyspen qamtý, Tájikstan,
Joǵary qaraı