Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Tehasta mekteptegi atystan qaza tapqan balalar sany 19 boldy

2022 jyldyń 25 mamyr 2022 14:25

NUR-SULTAN. QazAqparat - Aǵymdaǵy jyldyń 24 mamyrynda Ývalde qalasyndaǵy (Tehas, AQSh) Robb bastaýysh mektebine qarýly shabýyl jasalyp, sonyń saldarynan 19 bala men eki eresek adam ajal qushty., dep habarlaıdy QazAqparat BBC News agenttigine silteme jasap.

Atysty uıymdastyrǵan – 18 jastaǵy jergilikti turǵyn Salvador Ramos.

Jigittiń ústinde oq ótpeıtin jılet bolǵan, tapansha jáne AR-15 jartylaı avtomatymen qarýlanǵan. Qylmysker tártip saqshylarynyń qolynan qaza tapty.

Kóz jumǵan eresekterdiń biri – osy mekteptiń muǵalimi Eva Mıreles edi. Tártipsizdik bastalǵan kezde jasóspirim ájesin atyp óltirdi degen kúdikke ilindi.

Atys kezinde shekara jasaǵynyń eki qyzmetkeri jaralanǵan, qazirgi kezde olardyń jaǵdaıy birqalypty.

AQSh-ta aza tutý kúni jarııalanyp, Ývaldadaǵy qurbandardyń qurmetine Aq úı men AQSh-tyń basqa da federaldy ǵımarattaryndaǵy tý jartylaı túsirilgen.

Amerıka mektepterindegi atys - jıi qaıtalanatyn tótenshe jaǵdaıǵa aınaldy.

Ótken jyly osyndaı 26 oqıǵa tirkelgen.

2012 jyly Konnektıkýt shtatynda ornalasqan Sendı Hýk bastaýysh mektebindegi atys osyndaı oqıǵalardyń ishindegi eń sumdyǵy edi. Saldarynan 5 pen 6 jas aralyǵyndaǵy 26 bala kóz jumdy.

Eske sala ketsek, QazAqparat buǵan deıin AQSh mektebinde atys bolǵanyn habarlaǵan.


Basty sózder: Oqıǵa, AQSh,
Joǵary qaraı