Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Tehnologııalardyń damýy áıelder arasynda IT-mamandyqtarǵa degen suranysty arttyrady – Lazzat Ramazanova

2021 jyldyń 22 shilde 2021 10:07

BEIJІŃ. QazAqparat – Beıjińdegi Dıaoıýıtaı rezıdentsııasynda ShYU elderinde áıelderge bilim berý jáne kedeılikti azaıtý forýmy ótti, dep habarlaıdy QazAqparat.

Іs-shara Shanhaı Yntymaqtastyq Uıymynyń qurylǵanyna 20 jyl tolýyna oraı Búkilqytaı áıelder federatsııasynyń ShYU Hatshylyǵymen birlesip uıymdastyryldy.

Forýmǵa onlaın-formatta QR Prezıdentiniń janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń tóraǵasy Lazzat Ramazanova qatysty.

Beıjiń forýmynyń pikirtalas alańynyń taqyryby - Beıjiń deklaratsııasy men Beıjiń is-qımyl platformasynyń negizgi mindetterin iske asyrý boıynsha jumystyń basymdyqtarynyń biri retinde áıelder arasyndaǵy kedeılikti joıý jáne bilim berý máselesi boldy.

ShYU-ǵa múshe memleketterdiń ókilderi - yqpaldy saıasatker áıelder, kóshbasshy áıelder, áıelder isteri jónindegi mınıstrler, áıelder uıymdary men ShYU-na qatysýshy elder birlestikteriniń basshylary Turaqty damý maqsattaryna jetý jolynda áıelderge bilim berý jáne kedeılikti qysqartý boıynsha úzdik tájirıbemen almasty

Ulttyq komıssııa basshysy «Qazaqstanda halyqtyń áıelder bóliginiń tulǵasynda qundy adamı kapıtaldy qalyptastyrýǵa múmkindik beretin josparly jumys júrgizilýde. Prezıdent áıelderdi memlekettik jáne qoǵamdyq basqarýǵa, ásirese jergilikti deńgeıde óńirlerde belsendi tartý týraly tapsyrma berdi jáne ol eń bastysy bolyp sanalady», - dep atap ótti Lazzat Ramazanova.

Kóptegen «klassıkalyq» reıtıngter sheńberinde Qazaqstan elimizde «áıelderdiki» bolyp sanalatyn bilim berý salasyndaǵy neǵurlym myqty pozıtsııalardy turaqty kórsetip otyr. 2020 jyly mektep oqýshylarynyń 49%-yn, tehnıkalyq jáne kásiptik bilim berý uıymdary oqýshylarynyń 47,3%-yn qyzdar qurady. Elimizdiń 125 joǵary oqý oryndarynda qyzdar men áıelderdiń 53% oqıdy.

«Bolashaqta tsıfrlyq tehnologııalardyń damýy dástúrli túrde «erlerdiki« dep sanalatyn IT-mamandardyń áıelder arasynda suranysynyń ósýine yqpal etetin bolady», dep atady Ulttyq komıssııa basshysy.

Qazaqstandyq tarap forýmda qaralatyn máseleler boıynsha yntymaqtastyqty nyǵaıtýǵa jáne halyqaralyq bastamalardy iske asyrýǵa syndarly úles qosýǵa daıyn ekenin bildirdi.

«Búginde álemge jalpy adamzattyń turaqty damýynyń negizgi alǵysharty retinde bilim berýdi damytý jáne kedeılikpen kúres úshin áıelderdi jandandyrý qajet. Qazaqstan óz kezeginde osy maqsattarǵa jetý jolynda ózara tıimdi yntymaqtastyqqa kúsh salady», - dep atap ótti L. Ramazanova forým qatysýshylaryna.


Joǵary qaraı