Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Tekelide laı kóshkininen qaza tapqan balanyń denesi jer qoınyna tapsyryldy

2022 jyldyń 17 mamyr 2022 11:51

TEKELІ. QazAqparat - Búgin Almaty oblysyndaǵy Tekelide laı kóshkininen qaza tapqan balany jer qoınyna tapsyrdy, - dep habarlaıdy QazAqparat tilshisi.

Batpaqtyń arasynan tabylǵan Janbota Tileýhandy arnaıy ıttiń kómegimen jeti saǵattyq izdeýden soń tapqan bolatyn.

Anasynyń aıtýynsha, kenjesi ánshi bolýdy armandaǵan.

«Janbotam erekshe aqyldy, sondaı súıkimdi edi. Ánshi, bıshi bolamyn deıtin», - dep egilip jylaǵan anasy kishkentaıyn sońǵy saparǵa shyǵaryp saldy.

Balanyń janazasy Tekeli qalasyndaǵy meshitten shyǵaryldy. Oǵan Tekeli qalasynyń ákimi Batyr Moldahmetov pen jergilikti ákimdik ókilderi, balanyń týystary jınaldy. Jerleý rásimin Tekeli qalalyq ákimdigi tolyqtaı óz moınyna aldy.

Bes jastaǵy Janbota bolǵan úıdi laı kóshkini tolyǵymen qoparǵan. Úıdiń orny da qalmaǵan. Anasynyń buǵan deıin oqıǵanyń qalaı bolǵanyn aıtqanyn habarlaǵanbyz.

Esterińizge sala keteıik, Tekelide laı kóshkini 15 mamyr kúni kúndizgi saǵat 12:00 shamasynda bastalǵan. Taýdan aqqan sel bes úıdi basyp qalǵan. Olardyń birinde bes jasar Janbota bolǵan. Qyzdyń denesin qutqarýshylar tek jeti saǵattan soń, arnaıy daıyndalǵan ıttiń kómegimen úıindi astynan alyp shyqqan. Búldirshin bir áýlettiń kenjesi edi. Anasy Gúlnár Tileýhannyń aıtýynsha, qaıǵyly jaǵdaı bolady dep eshkim oılamaǵan. Janbota úı ishinde alańsyz qýyrshaq oınap otyrǵan. Al 12 jastaǵy ápkesi týystarynyń úıinde bolypty. Bir-aq kúnde bes jasar qyzynan da, baspanasynan da aıyrylǵan kelinshek, qaıǵydan eseńgirep otyr.

Aıta keteıik, Almaty oblysynyń ákimi Tekelide laı kóshkininen zardap shekkenderge baspana beriletinin Tvıtter paraqshasynda jazǵanyn habarlaǵan bolatynbyz.



Joǵary qaraı