Tekserýshiler toı ótip jatqan meıramhanaǵa eki saǵat kire almaǵan – ShQO
SEMEI. QazAqparat – Semeı qalasyndaǵy monıtorıngilik top músheleri kezekti reıd barysynda shekteý sharalaryna qaramastan toı ótip jatqan meıramhanany anyqtady, dep habarlaıdy QazAqparat tilshisi.
Búginde Shyǵys Qazaqstanda koronavırýs juqtyrǵandar kóbeıip, óńir «qyzyl aımaqqa» kirgenine qaramastan karantın talaptaryna baǵynbaı, toı ótkizip jatqandar áli de kezdesýde. Kásipkerler óz meıramhanalarynyń esikterin jaýyp, kelýshilerdiń avtokólikterin basqa jaqtaǵy kólik turaqtaryna qoıý syndy qýlyqtarǵa barýda. 25 qarasha kúni monıtorıngilik top toı júrip jatqan taǵy bir meıramhanany anyqtady.
«Meıramhananyń jumysshylary bizge esikti biraz ýaqyt ashpaı turdy. Osylaısha, eki saǵattan artyq dalada júrdik. Tekserý kezinde belgili bolǵandaı, úılený toıyna 100-den astam adam jınalǵan, meıramhana jumysshylaryn qosqanda 120 adamnan asady. Materıaldar jınalyp, tıisti organdarǵa jiberiletin bolady», - dedi «Semeı - adallyq alańy» shtabynyń jetekshisi Darıǵa Daırova.
Onyń aıtýynsha, turǵyndar shekteý sharalaryn elemeı, otbasylyq merekelerdi ótkizýdi jalǵastyrýda. 1 qazannan bastap Semeıde 112 reıd júrgizilip, 1543 bıznes nysany tekserilgen. Sonyń nátıjesinde 210 zańbuzýshylyq anyqtaldy.
