Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Temirtaýda Memleket basshysynyń sóılegen sózderiniń negizgi baǵyttary boıynsha paneldik sessııalar ótti

2022 jyldyń 16 qańtar 2022 04:45

TEMІRTAÝ. QazAqparat – Memleket Basshysy Qasym-Jomart Toqaevtyń bıylǵy 11 qańtardaǵy baıandamasynyń negizgi baǵyttary boıynsha Temirtaý qalasynda paneldik sessııalar ótti. Spıkerler retinde jergilikti atqarýshy organdardyń ókilderi de, qoǵam qaıratkerleri de shaqyryldy, dep habarlaıdy QazAqparat tilshisi.

Kezdesýdiń moderatory «Temirtaý qalasynyń Іshki saıasat bólimi» MM basshysy, prezıdenttik Jastar kadrlyq rezerviniń múshesi Aınagúl Abdrahmanova boldy.

«Temirtaý qalasynyń kásipkerlik jáne aýyl sharýashylyǵy bólimi» MM basshysy Gákký Ysqaqova áleýmettik mańyzy bar ónimder boıynsha baǵalardy retteýge qatysty máselelerdi túsindirdi. Al «Atameken» kásipkerler palatasynyń Temirtaý fılıalynyń dırektory Ázız Orazuly jáne Temirtaý qalasy kásipkerler qaýymdastyǵynyń prezıdenti Vladımır Bykov kásipkerlikti qoldaý sharalary týraly aıtyp berdi.

Qasym-Jomart Toqaevtyń sóılegen sózinde aıtylǵan mańyzdy taqyryptardyń biri – halyqty jumyspen qamtý máseleleri boldy. Osy baǵyt boıynsha Temirtaý qalasynyń halyqty jumyspen qamtý ortalyǵy dırektorynyń orynbasary Dınara Sattybaeva sóz sóıledi. Ol tikeleı efırde túsken turǵyndardyń suraqtaryna jaýap berdi.

Paneldik sessııa sońynda Temirtaý qalasy Polıtsııa basqarmasy Ákimshilik polıtsııa bóliminiń mindetin atqarýshy, maıor Karısov Nurlan sóz sóıledi.

Barlyq paneldik sessııalar qala ákimdiginiń resmı akkaýntynan jáne @temirtau.off jergilikti pablıginen tikeleı efırde ótti.

Paneldik sessııalardyń sońynda turǵyndardyń pikirin eskere otyryp, osyndaı is-sharalar tájirıbesi jalǵasatyny atap ótildi.


Joǵary qaraı