Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Temirtaýda jol apatynan ákesi men 10 jasar uly qaza tapty

2021 jyldyń 28 shilde 2021 17:53

TEMІRTAÝ. QazAqparat – Búgin Temirtaý mańynda jol apaty bolyp, 36 jastaǵy er adam men onyń 10 jasar uly qaza tapty, dep habarlaıdy QazAqparat tilshisi.

Jol-kólik oqıǵasy tańerteń Nurqazǵan kenishi aýdanynda Temirtaý qalasyna jaqyn mańda boldy.

Júk kóligi men jeńil kóliktiń soqtyǵysýynan 36 jastaǵy er adam men onyń 10 jasar uly kóz jumǵan.

28 shilde kúni saǵat 09.00 shamasynda Lada Granta avtokóliginiń 40 jastaǵy júrgizýshisi Aqtaý kenti jaǵynan Temirtaý qalasyna qaraı jyljyp, Nurqazǵan kenishine burylatyn tusta 34 jastaǵy júrgizýshi basqaryp otyrǵan NOWO avtokóligimen soqtyǵysqan.

«Ol shahtaǵa qaraı solǵa burylý manevrin jasady. Soqqydan Lada Granta avtokóligi jol shetine ushyp ketken. Jol apaty saldarynan Lada Granta avtokóliginiń 36 jastaǵy jáne 10 jasar jolaýshylary oqıǵa ornynda kóz jumdy»,-dep habarlady Qaraǵandy oblysy PD baspasóz qyzmeti.

Lada Granta júrgizýshisi medıtsınalyq mekemege jetkizildi.

«Naýqas polıjaraqat bólimine mynadaı dıagnozdarmen jatqyzyldy: oń jaqtaǵy jambas súıektiń oń qanatynyń jabyq synyǵy, asyqty jiliktiń aıdarshyq býynynyń jáne oń jaq jilinshiktiń asyq jilik shybyǵynyń proksımaldy bóliginiń jabyq synyǵy, oń jaq tize býynynyń gemartrozy, oń keýde, oń ıyq, bilek, qol, oń jambas, oń jilinshik, sol jaq tize jaraqaty. Qazirgi ýaqytta jaǵdaıy ortasha aýyr, turaqty. Nasharlap jatqan joq. Barlyq qajetti emdi tolyq kólemde alyp jatyr», - dep habarlady Qaraǵandy oblysynyń densaýlyq saqtaý basqarmasy.


Joǵary qaraı