Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Temirtaýlyqtar qysta jylýsyz qalýy múmkin

2021 jyldyń 14 qyrkúıek 2021 10:38

NUR-SULTAN. QazAqparat – Temirtaý qalasyn jylýmen jabdyqtaýda tapshylyq oryn alýy múmkin. Bul týraly Úkimet otyrysynda QR Energetıka mınıstri Maǵzum Myrzaǵalıev aıtty, dep habarlaıdy QazAqparat tilshisi.

«Qaraǵandy oblysynyń ákimdigine Atomdyq jáne energetıkalyq qadaǵalaý men baqylaý komıtetimen birlesip, Temirtaý qalasynda kúzgi-qysqy kezeńniń ótýin erekshe baqylaýda ustaý qajet. «ArselorMıttal Temirtaý» kásipornynyń ekinshi jylytý elektr ortalyǵyndaǵy negizgi jabdyqtyń tehnıkalyq nashar jaǵdaıy jáne jóndeýdiń tómen qarqyny Temirtaý qalasynyń jylýmen jabdyqtaý tapshylyǵyna ákelýi múmkin», - dedi mınıstr.

Sonymen qatar ol «BASSEL GROUP LLS» kásipornynyń GRES-1 elektr stantsııasyndaǵy jumysy erekshe nazar aýdarýdy talap etetinin aıtty.

Óıtkeni, osy jyldyń basynan bastap atalǵan elektr stantsııasy tolyq toqtatylyp, 4 apattyq ajyratý oryn alǵan.

«Energetıka mınıstrligine Qaraǵandy oblysy Shet aýdanynyń tutynýshylaryna elektr energııasyn berýdi jáne taratýdy júzege asyratyn «Shet energo» kásiporny qyzmetine halyqtan kóptegen shaǵym túsýde. Mınıstrlik «Shet energo» kásipornyna qatysty baqylaý jumysynyń nátıjesi boıynsha óz quzyreti sheginde tıisti is-sharalar qabyldady. Budan basqa, Ulttyq ekonomıka mınıstrligine jáne Qaraǵandy oblysynyń prokýratýrasyna tabıǵı monopolııalar sýbektisi – «Shet Energo» kásipornyna den qoıý is-sharalaryn qabyldaý jóninde hat joldandy», - dedi Maǵzum Myrzaǵalıev.


Joǵary qaraı