Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Temirjol qaýipsizdigi erejelerin elemegenderge aıyppul somasy artýy múmkin

2022 jyldyń 24 mamyr 2022 14:32

NUR-SULTAN. QazAqparat – Temirjol boıynda qaýipsizdik erejelerin elemegen adamdarǵa qatysty aıyppul somasy eselep artýy múmkin. Bul týraly «QTJ» UK» AQ «Magıstraldyq jeli dırektsııasy» fılıalynyń qaýipsizdik jónindegi atqarýshy dırektory Baqytbek Aldajarov málim etti, dep habarlaıdy QazAqparat tilshisi.

«Balalar temirjol boıyn oıyn alańyna aınaldyratyn oqıǵalar da kezdesedi. Olar kóbinese relske tas nemese basqa da zattardy úıip ketedi. Osynyń saldarynan mashınıster poıyzdy shuǵyl toqtatýǵa májbúr bolady. Sebebi rels ústindegi bul zattar poıyzdardyń joldan shyǵyp ketýine alyp kelýi múmkin. Poıyzdar shuǵyl jaǵdaıda kilt toqtaǵan kezde, jolaýshylar otyrǵan oryndarynan qulap, jaraqat alýy da yqtımal», - dedi B. Aldajarov.

Sonymen qatar ol kóp jaǵdaıda jaıaý júrginshiler temirjoldan ótýge arnalǵan kópirler men arnaıy belgilengen jolaqtardy paıdalanbaı, qaýipti ýchaskelermen júretinin aıtty. Osynyń saldarynan qaıǵyly oqıǵalar bolyp jatady.

«Kompanııa «Ákimshilik quqyq buzýshylyq týraly» Kodekstiń temirjoldyń belgilenbegen tusynan ótý, temirjol jolaǵynda mal jaıý jáne ózge de ereje buzý derekterine aıyppuldardy ulǵaıtý bóligine ózgerister engizýge bastamashy boldy. Bul usynystar Ádilet mınıstrliginiń qaraýyna engizilgen. Osy oraıda bul qadamdar turǵyndardyń ereje buzbaýyna áser etedi dep oılaımyz», - dedi Baqytbek Aldajarov.

Onyń aıtýynsha, bıyl temirjolda 22 adamǵa aıyppul salynǵan.

«Qazir aıyppul 3 AEK somasynda. Bizdiń usynys boıynsha ereje buzǵany úshin aıyppuldy 30 AEK-ke deıin kóterý eskerilgen. Ádilet mınıstrliginde bul bastamaǵa qatysty máseleler áli de pysyqtalyp jatyr», - dedi atqarýshy dırektor.

Budan buryn habarlanǵandaı, 2022 jylǵy 4 aıda poıyzdyń adamdardy qaǵyp ketýdiń 25 jaǵdaıy tirkelse, onyń 13-i ólimmen aıaqtalyp, 12 adam jaraqat aldy. 5 jaǵdaıda zardap shekkender mas kúıinde bolǵan.


Joǵary qaraı