Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Temirjol qyzmetkerleri búlik kezinde zardap shekkender úshin qan tapsyrýda

2022 jyldyń 9 qańtar 2022 03:23

NUR-SULTAN. QazAqparat – Temirjol qyzmetkerleri jappaı tártipsizdikter kezinde zardap shekken azamattar úshin qan tapsyrýda, dep habarlaıdy QazAqparat.

«Ulttyq kompanııa qyzmetkerleri zardap shekkenderdiń emi úshin erikti túrde qan tapsyryp jatyr. Qazir barlyq óńirdegi temirjolshylar qan tapsyrý ortalyqtaryna júginýde», - dedi QazAqparat tilshisine «Qazaqstan temir joly» UK» AQ BAQ-pen jumys jónindegi departament dırektory Qaısar Jumabaıuly.

Eske salaıyq, QR Densaýlyq saqtaý mınıstrligi tótenshe jaǵdaı rejımi kezeńinde medıtsınalyq kómek kórsetý jáne mindetti áleýmettik medıtsınalyq saqtandyrý máseleleri boıynsha halyqqa keńes beretin 1406 baılanys ortalyǵynyń qosymsha nomerlerin iske qosty: 8-7172-67-41-33, 8-7172-67-41-34, 8-7172-67-40-92.

Sondaı-aq Q.Jumabaıuly Almatydan Nur-Sultan jáne Atyraý qalalaryna qosymsha 3 poıyz iske qosylǵanyn málim etken edi.


Joǵary qaraı